翟威廉Big Big Channel赢五万蚊　功臣周志文被遗忘：佢仲未揾我

大台近期集中火力宣传新手机app平台“big big channel”，让艺人开直播与观众更多互动，结婚又开直播、生B又开直播，塑造贴地亲民形象。在昨日《群星拱照Big Big Channel》中，大送iPhone，又派“勤工奖”，经常合作开直播jam歌的翟威廉、大细孖周志文、周志康、刘珮玥、“木偶哥”林师杰等人获得50,000元“勤工奖”。

其实周志文周志康，记者到现在都未分得清，你又分到吗？

虽然翟威廉等人获得巨额“勤工奖”应该庆祝一番，不过昨日有份现身电视框的独欠大孖周志文。其实原本的“Happy Live”一直有在FB作直播，成员翟威廉、周志文等人每个星期都开两、三次直播，而且每次Jam歌都至接近两小时。周志文同样有份筹备表演、练歌，却未能同台。

未有现身节目的周志文回应《香港01》时，表示因在台湾工作关系未能出席节目《群星拱照Big Big Channel》，而非传闻所指因与大台关系不和被封杀。被问到有否计划回巢争取多幕前曝光？周志文表示：“有机会都想，其实演艺人都想多啲平台曝光，而TVB又系一个好大嘅平台。”大台高层有冇接洽日后合作的计划？他表示：“暂时未有。(会否感到大细超？)当然唔会啦！”

另外，被问到昨晚有出份席的艺人都收到iPhone一部，未能出席的周志文有冇份？他回应指：“咁好现实嘅，我冇出席都应该冇㗎喇。(咁TVB会唔会寄番俾你？)我谂都好难追得番㗎喇，依家我部电话都仲用到吖！”早前翟威廉接受访问时提过，部份TVB艺人都收到公司的“任务”，要多用big big channel开直播，周志文是否其中一人？周志文则表示：“其实我都系透过威廉同公司沟通，我就冇直接收到呢个消息。”

昨晚翟威廉、周志文、周志康等人为铁胆的“Happy Live”在《群星拱照Big Big Channel》节目中赢得50,000元“勤工奖”，而翟威廉亦提到会将奖金齐齐分。周志文对于齐齐分奖金，说笑道：“系咩？威廉都未私下联络我，我都有啲嬲。讲笑啫，其实请我食番餐饭都OK！其实已经倾好咗点分㗎喇！”

身为“统筹”的翟威廉对于周志文未有亮相，回应《香港01》时表示：“阿文本身都会出席唱嘅，不过佢唔喺香港，但本身系有预佢嘅。(与大台不和的传闻有关？)唔关！谂多咗，我哋最初都惊关唔关事，其实完全冇问题。”

赢得50,000元“勤工奖”会如何庆祝？翟威廉笑谓：“点使？分番畀啲胆都喺番到啦，我哋咁多个胆！啲人个个都以好多，唉！我哋每个胆都50,000蚊就话啫！”威廉又提到：“其实我负责分啫！但系我都会攞大份啲嘅，因为我器材、场地有好多使费；有时啲数好难计，总之我出咗先。其实大家都好好嘅，都唔系真系咁讲钱，如果真系讲钱嘅话，呢坛嘢真系少钱到爆啦！出面揾佢哋唱首歌都几皮啦！依家(开Live)唱足十几场，场场都十几首歌㖞，又系另一种计法嚟嘅。”

对于公司“罕有疏爽”，翟威廉都感到好Surprise，不过做统筹的确劳心劳力，难怪他声线疲累回应：“OK嘅，唉！今次大赠送开心嘅！你做个统筹事前事后都要做嘢就辛苦啲啰，做完Live食完嘢都即刻瞓觉！”被问日后会否以开直播作主要收入来源时，翟威廉亦笑谓：“唔…这个很有难度吧。”

另外，虽然翟威廉的Studio地方不大，但仍邀请到艺人朋友参与直播，他打趣道：“虽然地方细，bigbig channel吖嘛，逼啲唔紧要啦，哈哈！”威廉又提到：“其实都系以开心嚟sell大家嚟玩，如果你话开直播‘有人气’嘅，呢啲就攞嚟讲啦，佢哋本身都人气爆灯啦！如果你话揾钱，根本就同钱冇咩挂勾啦，纯粹以开心为主。”但仍希望日后可以加入不同商业元素。