【一首歌】陈奕迅《失恋太少》感激旧情人 “毋忘受伤的宝训”
撰文： 史顺宜
出版：更新：
一个歌手要做到专辑里面首首歌都Hit，真系唔容易，以“歌神”陈奕迅为例，非主打歌曲热爆程度绝对比得上主打歌曲。收录于2001年推出嘅专辑《Shall We Dance? Shall We Talk!》内嘅《失恋太少》就系其中一个好例子，哩首歌曲真系陪过唔少失恋嘅人渡过寂寞嘅晚上。
失恋嘅时候拣咩类型嘅歌去听系非常紧要，因为听歌要抒发心情还是影响心情真系一线之差，一首歌太Sad，歌词过于夭心夭肺，可以会令你伤心欲绝，一首歌过于正能量，你又可能会揾唔到共鸣。由陈辉阳作曲，林夕作词嘅《失恋太少》虽然令唔少人听完后变泪人，但歌词入面对提到对旧情人嘅感恩，对逝去感情嘅怀愐，将失恋视为宝贵一课嘅想法，真系可以为失恋嘅人带嚟共鸣，为寂寞嘅晚上带嚟一份安慰。
美好的／沉淀了／没有火花不要烧
爱过的／成熟了／犯错只因失恋太少