【一首歌】卢冠廷《陪着你走》最感动情歌 “一生一世也不分”
撰文： 黄浩晋
出版：更新：
前排大台播《不懂撒娇的女人》𠮶阵，系咁播《陪着你走》，剧中王浩信自弹自唱又有，谭嘉仪唱嘅插曲版本又有，原来仲推出咗王、谭二人合唱版，搞到成个脑都系“陪着你走 一生一世也不分”，明明好冧都搞到好似有啲甜得滞。
虽然话甜得滞，但系《陪着你走》呢首歌真系好经典，传唱度极高，不少歌手都翻唱过，就连原唱卢冠廷自己玩都有几个版本。由原版到一支木结他柔情演绎版，到近期专辑《Beyond Imagination》入面一个少少Jazz味嘅版本，各自有值得细味之处，唯一不变的就是曲中浪漫、温馨之情。
卢冠廷与太太在一次访问中提及，原来呢首咁sweet嘅歌原来系因为一次争执而诞生！真系估你唔到！当时卢冠廷与太太嗌完交，写咗首新歌放喺台，第二朝一起身就发现太太填好晒歌词。啲词咁冧，紧系咩气都消晒啦！
“如果 走到这世界边端/我俩已是无力前行/跟我一起飞去/一世伴你同路去”
咁多个版本你最钟意边个？