【一首歌】蔡卓妍周柏豪《请你爱我》：情人若犯错终可一一宽恕
撰文： 史顺宜
出版：更新：
阿Sa蔡卓妍刚刚被爆与麻雀馆太子爷Anthony Shek（石恒聪）嘅恋情，不过大家唔好只系将目光放喺佢嘅恋情，其实阿sa近期都有唔少非常好嘅出品。唔计电影，一定要数蔡卓妍与周柏豪为电影《原谅他77次》合唱嘅主题曲《请你爱我》。
《请你爱我》由梁秉仁作曲，原著小说作家兼电影编剧李敏填词，徐浩、周钖汉联手监制，歌曲MV由发布到依家已经差唔多有60万点击，系香港近年少有合唱歌而且有如此点撃的其中之一。
“私家的恋爱／或许妒忌和在意”
如果大家未睇《原谅他77次》的话，只可以话哩首歌《请你爱我》用上甜蜜嘅歌词，配上一个sad嘅melody形成强烈对比；但如果你有睇哩套电影嘅话，你或者会听得出其实歌词完美表达《原谅他77次》内男女主角之间，虽然相爱但要忍受对方不足而感到嘅矛盾。