【一首歌】“拜金世界实在变态” 陈奕迅《心深伤透》颓咪发泄啰
撰文： 黄浩晋
出版：更新：
正所谓“人生不如事十常八九”，你话我老套都要讲㗎喇，唔开心咪发泄下啰，话之你爆晒粗闹空气又好，打枕头又好，最紧要将心中不满一次过爆晒出嚟，谷埋谷埋伤身呀！
P.S.要顾及其他人安全感受，要发泄都唔系大晒嘅
老老实实，香港地个个都咁大压力，11年前巴士阿叔都讲过“你有压力，我有压力”，过咗咁多年呢样嘢仲系“未解决”！
压力来源有好多，冇拖拍就想快啲有着落，有拖拍另一半又想催你快啲结婚；冇楼喺手就想上车，有楼喺手又要烦点供掂佢；连续OT成个星期……都系唔数落去喇，费是提起大家嘅伤心事。
“拜金世界实在变态/城市失控老作乱咁嗌”
“如有天找到乌托邦 多HIGH”
今时今日份粮就越嚟越唔见使，“未见官先打三十大板”，一出粮就要交乜费物费冇咗截，仲有家用，同另一半每月纪念日要送“惊喜”，猪朋狗友嗌饮嘢又要使几嚿，份粮好似用嚟应酬人都唔系做啲令自己开心嘅事，斋睇字都觉得灰。
觉得辛苦？唔紧要，嗌下啦，嗌出嚟个心会舒服啲㗎。
嗌完啦吗？早啲瞓听朝准时返工喇！
仲可听埋负责编曲嘅Hardpack自己玩番