家长开自救群组分享子女确诊后由隔离到康复　盼以自身经验帮家长

随着第五波疫情个案数字及求诊人数大增，公立医院服务已超出负荷。有家长在Facebook开设“肺炎妈妈自救宝宝区”，让有自身确诊经验的家长，分享自己及小朋友患病到康复经过，希望可为无助父母提供一份参考。有家长回复记者查询时表示不想在天寒地冻的情况下带发烧儿子在医院外轮候，才无奈自行处理小朋友病发情况。

个案一：7个月大儿子

陈太育有7个月大儿子，回复记者查询时表示儿子在快速测试中结果呈阳性，持续发烧38.5度，她说:“小朋友发烧，但最高只系38.5度，佢喉咙仔应该有少少唔舒服，最后我哋无去医院，因为天气太冻，留系屋企休息比较好，因为排政府医院可能排2至3日都未必排到，所以自己留意住阿仔病情，佢2日后已经无再发烧，我哋一直拎唔到检测用嘅便便樽，佢烧吓唔烧吓，但佢食得玩得瞓得，我都安心啲。”

陈太表示儿子昨晚(20日)体温已回落至37.2度的正常状态；不过家中同时有3位确诊的成年人，均现发烧症状，“大人吃了2日特效Panadol后，情况有好转，有少许喉咙痛同有痰。所以大家唔好太担心，屋企要有药，吸收维他命C增强抵抗力，好快会好返。我成日睇新闻吓到半死，所以想分享下，等各位妈妈可以安心啲，大家要努力自救！”

她认为最重要的建议是：“如果BB有以下症状，要即睇急症：抽筋，即成个人硬晒、出疹、完全无精神、唔食、唔玩、唔瞓。如果BB抽筋，要打侧训，唔好放嘢入口，亦都唔好按实佢，只要唔好撞亲就可以，以上都系做护士嘅家人教我，希望帮到大家。”

🔼🔼🔼遇到咩情况唔好等，要即刻Call白车👉🏻👉🏻👉🏻照顾确诊儿童发现呢八项症状要即召救护车　微烧喉咙痛建议咁做⋯👈🏻👈🏻👈🏻🔼🔼🔼

个案二：3个月大婴儿到私院求诊

陈先生有一名3个月大BB，他最想劝吁家长一旦发现BB不适时，不要太紧张，“我个Case去咗私家医院睇医生，因为BB发烧一段时间，都唔知屋企有无人确诊到，去到医院帮BB睇症时做埋新冠测试，连拎药费用约$2200。”私院给陈先生的BB开了3种药，陈先生说：“包括粉红色‘Paracetamol’ ，每4小时服1次，每日最多吃4次，是止痛退烧作用。另一只是橙色‘Brufen’ ，1日服3次作用为止痛退烧。另一只是塞肛药“Voltaren”，每8小时用一次，药剂部有教用药时间等，而我喂奶前就比粉红色Paracetamol先，喂完奶扫完风，隔一阵就喂埋橙色Brufen，因为天气冻，无同BB冲凉降温，怕冲凉抹身冷亲BB，药我都唔敢一次过用晒3种，怕BB受唔住。”

爸爸妈妈同感染

陈先生及家人日以继夜照顾、留意著BB情况，除了喂药，他们还有用这个：“用大概6-7张退热贴，一直抱住BB帮佢保暖，大约不用1日，BB已经退烧，最后共喂了2次粉红色‘Paracetamol’及2次橙色‘Brufen’，一次塞肛药都未用过，BB休息多1日已经开始整古做怪，以上已经系四日前发生既事，到现在都暂无大碍。”

随后，陈先生的太太疑似确诊，并于流动检测站进行检测，惟等了4天仍无收到任何报告，陈先生说:“BB系妈妈有症状出现当晚开始发烧，翌日下午已到私家应诊，同日确诊，好在屋企之前有母婴健康院打针后比既退烧药顶住。我系密切接触者，keep住验显示唔中，现全家自我居家隔离。而BB确诊后已通知卫生署接手，但一直都无人跟进，希望以上经历可以畀各位爸爸妈妈参考，只代表个人立场，如果BB系有危险情况发生，建议各位去先去私院一转揾医生接手睇咗先，最后祝各位爸爸妈妈同宝宝可以平平安安挨过呢一疫。”

🔼🔼🔼除咗必理痛，仲有咩药可以买定看门口?即睇👉🏻👉🏻👉🏻长抢购儿童必理痛多处售罄　药剂师：可以买呢种药物👈🏻👈🏻👈🏻🔼🔼🔼

个案三：3岁儿子高烧浸浴降温

邹小姐的3岁10个月儿子2月18日在家中首先发烧，也是他们一家四口第一个开始发病的成员。她回复记者查询时表示:“儿子朝早7点几起身时，话喉咙痛想饮水，同佢探热有38.3度，于是即刻喂佢食退烧药，中午时体温上到39度，用快速测试同佢验，结果好快已出现两条线即阳性。我同丈夫妇二人就一条线阴性，但当晚已经开始出现病征。直到发病至今第三日（20日），期间有食特强必理痛，但对我哋三个大人作用不大，食咗都系无退烧，喉咙继续痛，周身持续剧痛。”

不想增医护压力

邹小姐解释没到急症室原因：“因为情况算稳定唔严重，无谓增加医护人员工作，早前见有迹象第五波时，已经去诊所配定晒平安药备用。”邹小姐用以下方法令自己及家人病情好转，她说:“转咗食特强幸福伤风咳素后有明显好转，每日食膳全维他命加益生菌，而小朋友食维多C咀嚼片、鱼肝油、益生菌。”

🔼🔼🔼如果小朋友真系有唔舒服，睇下儿科医生点样正确检查👉🏻👉🏻👉🏻儿童确诊要留意有冇发烧流鼻水外　儿科医生建议家长留意眼同呢度⋯👈🏻👈🏻👈🏻🔼🔼🔼

高烧时物理降温

当儿子高烧不退时，邹小姐安排他用暖水浸浴降温，“呢个系最快、最温和嘅物理降温，我仔试过上到39. 6度出现手软脚软、呕、反应迟缓，我即刻同佢浸浴降温，好快就精神返。”

发病坚持这样做

邹小姐建议大家在病发时要：“准备定脉搏血氧机方便观察住小朋友，会安心好多；餐具同抹手布改用即弃，可减少病毒留低；枕头包毛巾或纱巾要每日更换；如有UV机可每日消毒。就算周身痛，都要隔几个钟迫自己郁下行下唔好净系瞓觉，等血液循环好啲，快啲代谢晒唔好嘅细胞同病菌；再加宝矿力沟水饮，补充电解质，如饮水太多会流失电解质会引至头痛作呕。”

舒缓喉咙痛饮呢样

在饮食方面邹小姐有以下建议:“可以煲陈皮、甘草、南北杏、淮山、无花果茶舒缓，如果咳嗽严重就唔好落无花果；食通粉会好过食粥，减少胃气胀问题。如果未有咳时，可冲麦卢卡蜜糖柠檬水帮助舒缓喉咙痛，有咳之后唔好食甜嘢，包括水果。就算全部家人确诊，进食时都要分开用餐时间及地方；如果小朋友食嘢饮水时，放定呕吐袋或桶喺隔离。”

家居清洁方便，邹小姐建议说:“厕所水箱放漂白水消毒丸，保持住1：49漂水清洁，1至2个钟就要换一次口罩。幸好小朋友昨日(20日)退晒烧后已经好精神，希望我嘅经验可以帮到大家少少手。”

个案四：2岁半儿子公立医院帐篷坐

洪小姐的2岁半儿子于2月16日夜晚发烧，她立即喂儿子吃家中备用的退烧药，直到翌日早上儿子仍然发烧，体温徘徊在38.5至39度左右，“当日想带佢睇医生，但所有诊所都唔收发烧病人，有间话要自己做左快测阴性先可以睇。丈夫即刻出去买检测包，阿仔一验已经两条线（阳性），我同先生仲系一条线无事，但我哋发觉退烧药原来就快到期，又唔知点算好，唯有开始周围打电话问边到有得睇。当时防疫的士又未开始，我地都唔敢坐车连累人，睇确诊嘅诊所又话要有编号先可以预约，最后我地唯有打电话去附近嘅公立医院，佢话可以睇但系要等1-2个钟。于是我即刻孭住小朋友行去医院，登记完之后，简单磅重、探热就叫我哋系去出面帐篷坐喺度等，中间有姑娘帮手听下呼吸同睇喉咙，有打电话畀爸爸问情况。因为仔仔情况都唔算严重，最后只系安排撩鼻检测同畀一支退烧药就叫我哋返屋企等卫生署消息，返到屋企再量体温，唔知系咪吹完风竟然阿仔退咗烧，但一到傍晚又发烧，我就keep住喂佢食药，用退热贴，帮佢冲凉，凌晨时都照叫醒佢食药。”

直到 2月18日，洪小姐儿子终于退烧，“退烧后，佢仲好精神，只系胃口差，但食到嘢、饮到奶，我哋一直keep住叫佢饮水。”

🔼🔼🔼唔出街都可以睇到医生，即睇方法👉🏻👉🏻👉🏻网上睇医生｜5大线上应诊平台设儿童专科　求诊后由专人速递药物⋯👈🏻👈🏻👈🏻🔼🔼🔼

爸爸妈妈陆续有病征

但此时，洪小姐自己开始感觉不适，“我喉咙唔舒服、头痛、四肢无力、手软脚软、发冷、冇食欲，用快速测试一验，见到浅浅第二条线就出现，爸爸仲系一条线，我就开始食必理痛，尽量休息，成个人好攰咩都做唔到，不停觉得自己好冻，但已经盖被、著好多衫。”

直到2月19日，洪小姐开始发烧至39度多，“我一够钟就食必理痛同退烧药，个人都系冇力又冇精神，但已经唔再发冷，感觉好似好啲。凌晨到爸爸好头痛，都feel到中埋。2月20日到爸爸浅浅两条线（阳性），仲发烧，都系靠食必理痛撑住。但我已经退烧，个人精神啲，不过开始作呕作闷，呕到个口好苦仲有少少血丝，但屋企冇任何止呕药物，唯有自己顶住。呢段时间我个仔仲精神过我哋两个大人，而我哋唯有边个情况好啲就边个睇住个仔，轮流休息，尽量个仔一瞓，大人跟住瞓，慢慢每日都好点。”

挨过头2-3日就好

洪小姐建议说：“我哋一家三口都系靠必理痛同退烧药，中间饮过一两次维他命C。好彩个仔退烧快，大人辛苦啲都唔怕，挨过去就系。最重要物资有退烧药、必理痛、退热贴、探热针、宝矿力（我系咁呕，极后悔冇入定货）、快速测试包(基本上中晒唔使日日验，唔会咁快转阴性）。”

以上资料只供参考，有任何疾病或健康问题，请向医生查询。