妈妈教功课失控　颈巾勒子不遂上吊　心理学家：要留意呢啲特征

湾仔石水渠街昨日（30日）发生家庭悲剧，43岁母亲近月成为全职妈妈，照顾分别7岁、6岁及5岁的子女。昨在家中教长子做功课时，突然情绪失控，企图以颈巾企图勒死儿子未遂，再反锁自己上吊。疫情下全职妈妈要面对什么压力？身边人可留意什么特征，避免悲剧发生？有心理学家提醒，一旦萌生寻死念头，宜尽快求助。“唔可以拖，一定要快！一般市民冇受过专业训练，唔识如何应对朋友嘅情绪压力。如果有咁嘅情况，避免伤害自己或家人，必须要揾专业人士协助。”

按图即睇压力爆煲8大特征

教子做功课　情绪突失控

涉事家庭居于湾仔石水渠街其发大厦，59岁户主与43岁妻子育有7岁长子、6岁次子及5岁幼女。事发时父亲上班，母亲在家里指导长子做功课，期间情绪失控，大喊要将儿子杀死，企图以颈巾勒死儿子，儿子成功挣脱。未几母亲将自己反锁房间，以两米长尼龙绳挂在碌架床上吊。

父亲赶到后报警求助，救护员到场把母亲送到律敦治医院急救，医生初步诊断为脑干死亡。据悉，涉事家庭的印佣三个月前离职，女事主数月前辞去工作，开始担任全职妈妈，疫情下丈夫经营的贸易工程公司亦生意淡薄。

相关文章：母教功课期间情绪失控　颈巾勒7岁子不遂上吊　送院证脑干死亡

按图即睇疫情下妈妈心声：

先察觉情绪 善用网上资源

注册心理学家程卫强表示，不少家长都曾经历，在教导孩子做功课的时候出现情绪，提醒重点是首先察觉自己情绪。“如果察觉唔到自己情绪，直到爆𠮶下，已经冇得救。当发现情绪嚟，可以休息10分钟，洗个面，抖一抖，转第二样功课先，尤其而家圣诞节假期，起码去到1月几先返学，有大把时间可以做。”

他补充，家长并不是专业老师，可尝试在网上寻找其他教学方法。“网上有啲教学教小朋友做功课，有数学、语文概念。家长用自己一个方法，讲嚟讲去小朋友都唔明，呢个方法就系唔work（可行）！家长、小朋友都会炆，互相影响大家情绪。”

按图即睇减压5招

疫情下迎来各方压力　宜与伴侣思考解决方法

涉事家庭的丈夫近来生意淡薄，程卫强指，假设妈妈是主力照顾小朋友，亦可能会担心经济前景、家庭的收入支出，产生焦虑情绪。“加上丈夫做生意，佢似系又唔可以帮到好多手，会出现无力感。”他续指，家佣离职，加上疫情，亦是压力来源。

“撞啱家佣离职，要顶埋本身家佣嘅工作。丈夫返到嚟，佢可能意识唔到太太压力咁大。‘点解呢啲未执架？’、‘碗又未洗？’、‘又食外卖唔煮𩠌呀？’，呢啲别人嘅要求，加咗喺佢身上，都系一种外来压力。加上疫情下，会有担心、无助、恐惧。第一是担心健康，其次停课咁耐，可能好紧张小朋友学业，呢啲都系无形恐惧。”

他建议先和伴侣沟通，调整期望。“第一要同伴侣沟通，家佣走咗，家务上嘅安排。凑住三个，唔好期望返到嚟一尘不染，老公又可能要帮手洗碗，呢啲大家都要讲清楚。”其次是讨论家庭经济上的应对方法。“点样减开支、动用储备，或者有冇屋企人、亲戚朋友、隔离邻舍、社区资源可以帮到手，等太太可以去做兼职。当大家倾嘅时候，谂阔啲，我哋会发现系有解决方法。有方法嘅时候，就可以减低无助感，减轻家长面对嘅压力。”

留意生理和情绪警号　求助唔可以拖

他解释，若情绪出现困扰，也有若干特征。“可以分为身体同情绪上嘅征状，身体上有食欲改变，暴饮暴食或厌食；睡眠习惯改变，包括渴睡、失眠；出现各种痛症，如胃痛、颈梗膊痛、头痛；冇动力，成日坐喺度唔郁，或坐立不安。情绪征状有集中唔到精神、容易燥底、成日有负面情绪，出现负面想法如‘想杀咗个仔’、‘你都读唔到书，冇用架喇’，或有自杀倾向，就需要揾专业人士帮手。”

不少妈妈网民也压力爆煲，留言“你话想死，朋友只当你讲笑发下牢骚”。程卫强强调，若萌生寻死念头，必须尽快找专业人士协助。“唔可以拖，一定要快！一般市民冇受过专业训练，唔识如何应对、回应朋友嘅情绪压力。如果有咁嘅情况，避免伤害自己或家人，必须要揾专业人士协助。志愿机构例如撒玛利亚防止自杀会有免费电话咨询，如真系有需要面谈，其实每个社区都有志愿机构做辅导服务。你行入去话俾佢听‘我有情绪问题，有想死嘅念头，想揾社工倾’，可以揾到一啲资源去帮手。”

另亦有妈妈留言“我教到想死，讲真啲功课我识，但我唔识点去教佢”，程卫强指，家长没有受过教育训练，或不懂利用方法让小孩子明白。除了寻求网上资源，他亦建议尝试补习。“唔系鼓吹家长催谷小朋友，但如果真系教唔到，或学校教学未必适合小朋友，补习都可能系个好做法。”

相关文章：竹内结子去世｜疑患产后抑郁家中自杀身亡　必要留意患者8大病征