保良局蔡继有校长专访分享成功秘诀　与学生关系如朋友：咩都会倾

保良局蔡继有学校是非牟利中小学一条龙私校，是不少家长心目中的“神校”，深受家长欢迎。到底学校有何吸引之处、学生在读12年期间会经历甚么？“01教育”早前专访蔡继有学校总校长庄美珍，了解学校成功之道，分享如何与学生营造紧密关系，以及装备学生两文三语，并以阅读启发兴趣。

学校位置偏僻　马骝成校园趣事

庄美珍总校长自2002年创校以来一直在蔡继有学校任教，2021学年接任成为总校长。采访当日，记者与庄校长见面后，她就谈起学校与马骝的趣事，“我同人讲我间学校好多马骝，啲人以为我话啲学生好曳，我话‘唔系呀，真系一只只𠮶啲马骝呀！’。”

原来学校邻近金山郊野公园不时有马骝出没，更会站在栏杆上观看学生上运动课，成为一道独特的风景。学校特别提醒学生，每当途经大埔道一定要将食物收好，在校内亦不可以在室外进食，以免被马骝抢食物及攻击。

校长与学生亲密如朋友　做错事找原因不记过

正式访问前，庄校长先带记者参观校园和拍照。当时正值中学部小息时间，庄校长不论走到那一个地方，都有学生主动与她打招呼，简单的问候和交流，感觉像是朋友多过师生。庄校长走进图书馆后，更有学生带着佻皮的语气大赞“哗，校长今日着得咁靓呀！”，她就笑着解释因为做访问，更活泼地与学生比划一个“You Got it”的手势。

师生就像是无所不谈的好朋友，营造这种关系的起点是学校与学生的相处哲学。庄校长说，学校不用记过、记缺点的一套，因视学生为独立个体，重视对话，会想方法找出对学生最好的决定。

“我罚你有咩用？如果罚完你，你再做十几次，但系我每次都罚你，其实系冇意思嘅，我话不如你话我知，你点解要咁样做？你有咩原因？我点样可以令你明白错误？然后你下一次做啱嘅决定。可能我一直都系咁样同学生相处，我觉得咩嘢都可以拎出嚟倾，所以佢哋会当你朋友，佢哋咩都会同你倾。”

遇无聊问题亦认真回答　愿意付出成关键

庄校长坦言，有时学生的问题会令人觉得“你真系咁都要问？”，但她坚持认真回答，“我有时候会谂，点解你会问我呢啲问题，其实你背后有咩嘢困扰你？我就再加一啲嘢去引导佢”。久而久之，学生都知道庄校长会耐心聆听他们，有困难都会找庄校长，“有咩事你要揾Ms Chong，佢会帮你嘅！”。

她举例，最近一名学生主动求助，说自己担心大学牙医入学面试，希望她可以帮忙模拟面试。她直言自己并非专家，但只要学生主动提出又时间许可，她都乐意帮忙，自行想像面试问题和学生作模拟面试，“你话到时interview嘅时间（问题）中唔中，其实我真系唔会知，不过佢会觉得，你肯为我付出”。

寒冷天气下自发照顾同侪　学生关系融洽

校内愿意付出的不止庄校长，学生亦懂得关心别人。庄校长分享，早前中学部于寒冷天气下举行运动会，其间有两名九年级学生带来麦皮及纸杯，加入热水搅匀后到处问有没有同学需要，“佢觉得今日咁冻，你要有嘢到肚，暖麦皮可以令你暖身一啲，我觉得好感动，因为无人叫佢咁做”，“呢啲都系冇人教嘅，亦都冇需要（教），就系你纯粹平时教佢点样关顾人，佢自己谂到呢啲，特登带一啲嘢嚟”。

由于学校是中小学一条龙升学，学生由小一入学到中学毕业都会与同一批同学相处，加上升班时会调班，全级学生基本上互相认识关系融洽。庄校长说，如果有学生成绩未如理想，同学就会主动提供协助，“唔紧要，你边度唔识我教你，或者我哋再谂方法解决，所以呢度就唔会系孤军作战嘅地方”，“同学嘅关系就好似屋企嘅亲兄弟姊妹咁Close（亲密）嘅，因为你系12年，一年有198个上学日都喺埋一齐，有咩心事、有咩嘢，其实佢哋互相会讲，我亦都真系见到呢啲同学嘅关顾系好厉害嘅”。

两文三语至为重要　从阅读找到兴趣

在蔡继有学校的12年间，学生有机会学习乐器、参与社区服务，亦会透过小组合作学习协作能力、到世界各地学习不同文化和自我管理等，不过庄校长认为对学生最重要的还是两文三语。小学部采双班主任制，两位老师分别以中文及英文为主要语言，“总之佢见到英文老师就系讲英文，见到中文老师就讲中文”，自小培养学生语文能力。

庄校长指，学校强调培养阅读习惯，以不同主题的图书为切入点，“图书嘅好处就系好有趣，咩都可以睇落去，佢哋好钟意睇，里面我哋就揾一啲重要嘅语文技巧，教佢哋喺入面点样学习，你会发觉学生学得好开心”。

她续称，鼓励阅读不单有助学生语文能力，亦可提升学生学习兴趣，“呢件事（喜欢阅读）都令到佢哋学习知识上可以做到一个唔同嘅差异，例如有啲人佢真系对昆虫好有研究，佢走到楼下揾一啲昆虫上嚟，周围有唔同嘅嘢，佢哋会去研究……其实佢可以将𠮶个程度推到好高，系比老师高嘅”。

她说不少学生毕业后升读大学，都会获组员选为代表作简报，“讲英文好、广东话好、普通话好，佢哋嘅表达都可以应对，表达好强”，“我相信就业嘅时候，就算系面试，就算你系做任何职业，我谂呢件事都系佢哋嘅优势”。

学生冷门兴趣公开表演　校长带队与同学捧场

蔡继有学校相信“Every Child is Good at something”，但每名学生都各有长处，若学生长处较为冷门，学校如何帮助学生发展？

庄校长直言孩子的成功不能单靠学校，毕竟学校资源有限，“我哋发觉家长都好厉害，因为家长有时都可能有啲唔同嘅渠道，佢哋会令小朋友学到一啲特别嘅嘢”。

她说要鼓励学生坚持一件事，先要让学生感到被认同。例如早前学校有学生在校外表演粤剧，“我立即（向家长）拎咗一啲飞返嚟，带咗啲同学同老师一齐去捧场，其实呢个举动佢（表演同学）真系好开心。我（表演同学）喺学校都冇机会表演大戏，我（表演同学）而家喺外面做表演嘅时候，学校系专登过嚟睇嘅，对佢嚟讲系一个鼓励同认同，佢就会继续喺𠮶方面发展落去”。

如果学生于特别项目取得成就亦可通知学校，安排在集会颁奖，以至是在学校活动表演，“我哋发觉呢个方法都好有用，因为一啲比较冷门嘅项目我哋真系未必做得到，我哋就趁呢个机会、颁呢个奖嘅时候，第一就系等大家知道你好厉害、认可你嘅成绩；第二就系畀其他同学睇，‘咦？呢个系咩比赛？咁有趣？’，你冇听过，其他人会去揾，件事慢慢发扬光大，如果有一定数目嘅时候，或者我哋觉得呢个项目几有趣，我哋不如都开下班”。

校园开放家长不时回校　直接对话防雪球愈滚愈大

蔡继有学校另一特色就是校内家长身影处处，例如由学生营运的咖啡角于小息开始之前，会有家长预先帮助准备食物，让当值学生下课后来到咖啡角就可以立即营运；学校图书馆亦有家长帮忙包书。

“你话（学校）好受欢迎，其实学生唔会拣你，系家长拣你，所以你要畀家长入嚟，了解你学校嘅理念、你嘅做事方式、或者对学生嘅教导”，因此蔡继有学校的校园对家长开放，家长可以从参与学校活动的过程之中了解学校。

庄校长补充，若家长对学校有疑问都会直接向学校查询，学校亦会直接回复，“你会发觉，其实你唔会畀佢哋（问题）愈滚愈大，唔会好似雪球咁。我发觉如果你唔畀佢哋入嚟，佢哋自己倾嘅话，就会好似雪球咁愈滚愈大，咁大嘅时候你再去处理就会好难，我哋就会喺呢啲位置做得好好”。