简慕华离开无线　做足17年无留恋：自己喺TVB冇突破！

识做戏唔等于一定攞奖，尤其在电视台，几多好戏之人，一个奖都冇，简慕华就系其中一个例子。2000年港姐出身，入行17年，刚完成剧集《超时空男臣》正式离巢，她接受《香港01》电话访问时说“系呀，我离开TVB，主要原因系我觉得自己停咗喺到好耐，去学吓嘢又好，或者input下自己，我其实系想拣嘢做，我离开系因为TVB冇得选择，冇得选择自己喜欢可以或者自己钟意嘅角色，但如果我出咗去，所有嘢我都可以自己选择啰。”

简慕华不同其他失意离巢艺员，她在剧集角色戏份越来越重，在《超时空男臣》、《翻生武林》两套未出街的剧中，角色戏分亦令她满意，但她最想要的是挑战，她说：“我钟意有挑战性，我好少睇网上留言，但我觉得自己喺TVB冇突破喇，我好唔想有日观众会话 ‘又系简慕华’、‘简慕华咪又系咁’、‘做极咪又系简慕华’之类，（有边个角色妳最钟意？）咁耐以来，所有角色我都觉得如果畀我再做多次可能会好D，（颁奖礼永远都冇份，有咩感觉？）无办法，人哋好过我，下次努力过…...唉！都做咗咁多年人啦，如果我唔系咁谂，我点继续做人？（即系失意？）仲未，我仲有团火，你一失意就世界末日㗎，唔可以negative，前面永远是最好的，我会咁谂，一日仲系呢行，一日都有机会，除非观众已经唔想再睇我。我紧张观众唔钟意我，多过惊冇奖攞。”