【专访】刘美君做歌讲感觉好“任性”：觉得自己好乞人憎！

如果在香港乐坛上位位歌手都有自主性，喜欢唱什么就唱什么，不需要被唱片公司控制歌手选曲，不需要被经理人公司控制打扮，私生活自由，不知道乐坛会不会更健康呢？有人会说这类的艺人管理方针会埋没歌手的专长，但也有人会说要是这样的话香港的歌手更没有生存空间。有一位乐坛歌姬似乎不在乎种种公司规则，以自己为先的方式得到大家对她的音乐认同，连她所属的唱片公司也愿意给她放手一试，连她也承认自己是一个“任性”的歌手，她向来忠于自己，说她喜欢说的话，做她喜欢做的音乐，而且对她来说，做音乐与做爱的概念相近，同样需要一鼓冲动，她就是乐坛最年轻嫲嫲，刘美君。摄影：黄国立化妆：Kris Wong发型：Gary Sun @Hair Corner（Central）场地：KEF Music Gallery

最近刘美君（Prudence）首次推出全英文发烧专辑《Reincarnated Love》，专辑收录了十首由Prudence精心挑选的英文经典金曲，并以现场即兴同步录音这种高难度方式收录，简单说就是与乐手即场jam并一take过的方式录音，要达到发烧专辑要求可以说是难度极高。谈到今次首推发烧专辑的准备过程，Prudence表示：“其实我做嘅任何一样嘢都无plan过，我个人就系咁，今次出发烧专辑只不过系以前无做，依家想做，所以之前先后推出国语及广东大碟，而英文歌就想save the best for last，所以依家做埋英文歌。”

今次Prudence的英文发烧专辑《Reincarnated Love》，找来了顶尖的乐手弹奏，又与HIFI德（刘贤德）合作，可以说是梦寐以求，而且并不是个个歌手都能够要求唱片公司找来此团队，Prudence谓：“我唔知可唔可以话自己好彩，我真系无谂过呢个问题，我做嘢系几随心，我以前（出道时）头𠮶7年真系唔容许，因为合约问题，但我依家唔系当时嘅我，依家做音乐系讲求我想唔想，我钟唔钟意。曾经公司有叫我出国语碟，出英文碟等，但我都一一拒绝，原因系我系一个以家庭为先嘅人，当年我系一个妈妈，一个太太，所以家庭对于我系好重要。但我永远都会畀自己一个平衡，既然当年，我无畀自己Extra嘅时间去做我想做嘅嘢，依家我有时间，我有feel，自然会做。其实我生出已经系咁自我，以前试过因为合约条款令我唔开心，我知道以前𠮶种系唔work，所以当我2008年回归香港乐坛同呢间唱片公司（环球唱片）合作，我好开心，佢唔会逼我几多年要出几多只碟。”

Prudence的英文发烧专辑《Reincarnated Love》内共有十首经典英文歌曲，所有歌曲都是Prudence都是她即兴选择。“我钟意嘅歌好多，但系唔系所有歌我入到studio同啲乐手jam出嚟就钟意呢？我可以同你讲，绝对唔系！你以为好听嘅嘢，你谂同你做出嚟系两件事，所以我今次录呢只碟之前就决定，如果我哋jam出嚟嘅嘢唔好听，就算已经录咗，我都系会唔要。所以呢十首歌系喺好多首歌入面拣出嚟。我讲完呢番话都觉得自己好黑人憎，好任性。”说罢Prudence也忍不住大笑。

Prudence续说：“其实呢只碟喺2015年开始做，做到2016年，由另外一乐手同我一齐做，当𠮶一年所做嘅嘢我系全部无要。其实2015年，系好似以往做音乐咁，揾编曲人预先编畀我听再去做，但我觉得唔work，所以之后我先决定做即兴音乐。当时我就决定飞番嚟香港3次，睇下当时边个乐手有时间，然后jam歌，前后都jam咗40首歌。”

“我系一个活喺自己世界嘅人，我形容自己系一匹不羁嘅马，人哋想我做嘅嘢，我系唔会听，只有会做自己开心嘅事。我其实好细个已经系咁，我同我身边嘅同学好唔同，不论思想或睇法都唔同。而慢慢大咗出嚟做嘢咁多年，我觉得身边合作嘅人都好包容我，好纵容我，对我好有耐性，但当然我所做嘅音乐都唔系乱嚟，我都系一个有理性去任性嘅人。”刘美君笑言。

对刘美君来说，做任何事包括音乐，都与性爱的概念很接近，都是源于一种冲动，她坦言：“我成日都咁讲嫁，我同啲音乐人讲，我同佢哋made out（亲热），我同佢哋都讲，啱啱首歌好正，好似同你made out咁。That's what I need，音乐就系需要做爱𠮶份passion（激情），仲有mood（心情）。”

刘美君今年除了推出发烧专辑，她更将会在十月红馆举行她的演唱会，今次演唱会刘美君将与高世章一同担任创作总监，著名音乐监制赵增熹则担任音乐总监：“我知道我自己喺舞台上未有代表作，所以我做呢个骚我将会参与好多音乐上嘅编排，我个演唱会亦会放好多戏剧性嘅情节喺入面，如果大家有睇过我之前嘅演唱会，你会知道我开演唱会系唔会讲嘢，唔会吊威也，唔会做人地期望我做嘅嘢，因为我身为一个观众，入嚟系钟意睇真正嘅刘美君，听佢唱歌。”