带饭贴士｜五类食物不宜带 挑选饭盒要讲究 塑胶饭盒外仲有咩选择

香港地衣食住行样样贵，除咗住屋，最大嘅洗费相信就系食饭，求其出去食个午餐，讲紧嘅只系一般地区，闲闲地都要五六十蚊，仲未计如果你喺中上环返工，随时小数怕长计！所以有唔少打工仔为求悭钱，都会选择带饭，不过你以为咁样就悭到钱又食得健康？钱就悭到喇，不过随时赔上健康！事关带饭其实都隐藏住唔少陷阱，用错饭盒，拣错饭𩠌，随时会致癌而不自知！

好多打工仔为求悭到最尽，都会前一晚煮定多少少饭𩠌第二日带，不过方便就方便喇，你又知唔知，其实某啲𩠌菜其实不宜隔夜同翻叮，随时会释放对人体有害嘅有毒物质？

🔻五类食物不宜带🔻

除咗食物外，带饭最重要系咩？咪就系个饭盒啰！市面上常见嘅带饭嘅饭盒不外乎都系塑胶食物盒、玻璃食物盒、保温壶、电热饭盒、焖烧锅等等。

为求轻便，有唔少打工仔都会选择塑胶食物盒，不过即使系微波炉适用，部份食物盒亦都未必符合标准，高温叮热之后有机会会释出塑化剂，长期摄入对肝脏、肾脏同生殖系统都会造成损害！而保温壶亦都有机会令食物滋生细菌，安全起见，都系用玻璃食物盒最稳阵！

饭盒小建议：电热饭盒＞玻璃食物盒＞塑胶食物盒＞保温壶

不过无论用边款饭盒都好，多数公司都只系得微波炉畀员工翻热食物，就算前一晚嘅𩠌菜有几丰富好食都好，叮热饭菜嘅味道始终都唔够讨好同新鲜。

想有啖好食，打工仔不妨试吓近期大热嘅电热饭盒，除咗可以用蒸煮形式翻热食物，若然你有时间的话，仲可以即场炮制几道新鲜拿手小菜！

𠵱家市面上都有唔少电热饭盒畀大家拣，不过一系就要成千蚊，一系就系不知名品牌，话晒放入口嘅嘢，最紧要用得安心，最好当然系拣返啲大牌子。所以小编今次就为各位打工仔拣咗呢款德国宝嘅电热饭盒，一嚟价钱适中，二嚟实用性高，三嚟品质有保证！

德国宝纤营蒸煮盒 HK$758

呢款纤营蒸煮盒可以话市面上最新鲜滚热辣嘅电热饭盒，事关旧年12月先推出市面，基本上已经集齐晒以往电热饭盒嘅所有功能。

饭盒内用咗双层四胆设计，内附一个双连食物容器，以及两个方形食物容器，加上具备蒸煮、加热、炖汤、煲弼、甜品、保温六大模式，用嚟整两𩠌一汤就啱啱好，如果想食得丰富啲，带三𩠌一饭都一样得！

一般打工仔都未必会即场炮制菜式，最关心嘅当然系翻热嘅时间。电热饭盒就内置10小时智能预约功能，以及自动保温功能，只要预先设定好烹调时间，到时到候就自动烹调或加热食物。完成后仲可自动保温2-4小时，就算要提早食，或者有嘢做要迟啲食都冇问题。

而饭盒内所用嘅用嘅器皿统统都系使用食品级304不锈钢制造，比一般材质嘅食物容器传热更快，亦都唔怕喺高温下会释出有害物质。

(产品资料以官方最新发布为准，价钱最后更新至2020/01/25)