一机搞掂煎蛋多士咖啡! 3款多功能懒人早餐机 打工仔在职妈咪必备

“睡眼惺忪九点钟记得起身返工，九个钟九个钟每日返九个钟……”香港人日忙夜忙已经系众所周知，就好似歌仔都有得唱，每日返工已经占去每日大部份时间，返到屋企自然想尽情放松做自己嘢，不过碌碌吓手机，睇睇吓书，不知不觉又已经凌晨一两点。夜晚唔愿瞓，朝早自然就唔愿醒，赶头赶命连早餐都食唔切又要出门追巴士！以上相信系唔少打工仔或者在职妈咪嘅生活写照，不过正所谓“一日之计在于晨”，唔食番一个好早餐，又点会有能量开始新一日？

不过好多打工仔同都为咗瞓多半个钟，宁愿喺路上求其咬个包就算，又颓又唔健康。曾经就有不少研究表示，唔食早餐对身体唔好，会增加患上糖尿病、心脏病、高血脂等等嘅风险，不过若然先撇除以上呢啲尚待更多实证嘅因素，同样身为打工一族嘅小编就认为，早餐最重要嘅作用系为大家醒醒神，亦都可以令自己更集中精神应付早上嘅工作。

而各位在职妈咪，就算有时间想简单整个早餐畀囝囝囡囡食，呢头又要开炉煮，𠮶头又要整饮品，实在系太麻烦。到底有冇咩计仔令大家食得健康又快捷？

今次小编就为各位懒瞓猪揾到好嘢，以下呢几件早餐神器，全部都可以帮你一条龙煮好早餐，只要起身时将食物放入去，揿几个掣，梳洗完就有得食一个丰富嘅All Day Breakfast！以后就再冇借口唔食早餐喇挂？

1) 小熊三合一多功能早餐机 ￥299

小熊呢个品牌专门出产令人生活更方便嘅小家电，有唔少网民表示，小熊性价比媲美小米，外型同功能同时兼备。而今次小编就拣咗呢款网民一致推荐嘅早餐机，8L焗炉、煎pan，连同0.8L暖壶三位一体，小小一部机已经集齐烘焗、煎煮、暖饮三大功能，只要一次过处理食材，将佢放入机内，最快5分钟已经可以煮齐一个All Day Breakfast！至于好多人都担心嘅安全问题，呢款早餐机就做得几妥当，事关佢内置双重断电功能，当暖壶温度过高，或者暖壶被移开，就会自动断电，唔惊朝早迷迷糊糊嘅时候会唔小心整出意外。

🔻揿入下图一览强大功能🔻

2) 小熊多功能蒸煮早餐机 ￥139

小编明白都唔系个个人起身都咁好胃口，尤其系年纪唔再细嘅朋友仔，好多时都习惯食得清淡。对比以上早餐机，呢款就主要以蒸煮为主，双层设计，可以自由组合唔同层架，同时蒸煮多款唔同食材。最底层系一个易洁煎pan，可以用嚟煎蛋煎肠仔，当加上不锈钢嘅蒸笼或者蒸架之后，随即就可以用嚟蒸蛋、蒸包、蒸点心等等。实用就实用在唔止早餐用得，炮制晚餐时都同样方便，一个炉蒸出两款𩠌菜，够晒万能！

🔻揿入下图一览强大功能🔻

3) 乐聪小型蛋卷机 ￥49.9

香港人日理万机，如果都系略嫌以上两部早餐机太过麻烦，咁呢部或者就啱大家喇！虽然只有单一功能，不过胜在够方便，只需要喺机身中间放入鸡蛋液，等7分钟左右就可以食到热辣辣嘅鸡蛋卷，唔止当早餐得，用嚟做餐与餐中间嘅小食，或者小朋友嘅小息零食都一样适合。如果嫌单调，仲可以加入火腿、葱花、蔬菜粒等等嘅食材，自由发挥整个啱口味嘅早餐！

🔻揿入下图一览强大功能🔻

成日因为赶时间唔食早餐嘅你，不妨试吓以上几部早餐神器，随时令你爱上早餐时间！

(产品资料以官方最新发布为准，价钱最后更新至2020/01/21)