即影即印自制回忆相片墙｜迷你相片打印机HP 小米 Canon边部好？

今时今日人人都拥有手机，想同朋友分享生活，只需要轻轻揿一个掣，上载一张相，好简单就可以分享同记录低生活中嘅点点滴滴，虽然方便系方便，不过可以手执一张相仔细回味，𠮶种感觉、𠮶种温度、𠮶种质感，始终系虚拟嘅影像难以比拟，亦都因为咁，近年有唔少人都钟情即有即有，或者回归传统，选择将相片冲晒出嚟，可以自己留念之余，又可以送畀朋友，抑或整成相片墙布置房间都一样得，比起就咁将张相储存喺手机入面，绝对更有价值！

虽然即影即有嘅朦胧美同怀旧感迷倒唔少人，不过喺呢个人人都爱执相嘅年代，即影即有未必满足到一众贪靓嘅男男女女，而且因为机身比较重，实在好难次次都拎出街，或者带去旅行。就好似小编咁，虽然拥有两部即影即有相机，但使用嘅次数已经越嚟越少。

不过𠵱家就有一个两全其美嘅方法！事关继即影即有相机之后，有唔少品牌都相继推出咗迷你便携嘅相片打印机，尺寸大概只有一部手机咁大，连接手机之后就可以即影即印出相簿入面嘅相，当然唔少得执相，加滤镜、文字、图案嘅功能！

今次小编就揾嚟市面上几部迷你相片打印机，到底呢几部机有咩功能同卖点？边部啱你用？即刻睇睇啦！

1) HP Sprocket 200无线相片打印机 (天际黑 ) HK$999
(月球灰按此 / 雾粉红按此)

HP呢个牌子相信大家都唔会陌生，除咗因为电脑出名，打印机系列都同样都做得非常成熟。

今次呢部HP Sprocket 200，就有别于以往传统嘅迷你相片打印机，唔单止有齐机身细、重量轻、可以连接手机App添加滤镜、相框、文字、拼图呢啲基本元素，最特别嘅地方仲系有少见嘅AR功能！玩法好简单，当连接咗HP Sprocket App之后，用家就可以透过App打印影片中嘅其中一格，然后App会自动帮你上传条片去云端，如果日后想重温呢段影片，只需要用番机内嘅“展示”功能，对准张相，就可以自动播放原片连声音。

至于其他功能同特点，立即揿入下图睇详细介绍！

2) 小米口袋照片打印机 ￥259

市面上大部份迷你相片打印机嘅价钱都喺HK$600之上，如果你只系偶然会印吓相，未必会成日带出街用到，咁小编会建议你试吓呢部小米相片打印机。

小米一向以性价比高闻名，有唔少同类产品嘅质素更系跑赢大牌子，想小试牛刀拣佢就冇错。呢部相片打印机性价比之高，就高在价钱只系HP打印机嘅3分2，而功能上基本可以同HP睇齐。体积大概只系一个外置充电器咁上吓大细，而机身只系得三个按键，操作非常简单，使用ZINK 无墨水印刷技术，可以配合小米App使用，印普通生活照、玩味嘅贴纸相、或者正经嘅证件相都一样得，最快快至45秒印完一张相。

最抵玩之处，在于小米同样都支援AR相片，仲比HP多咗一个相片留声功能，只要印相嘅时候同时录制或者上傅任何声音档，其后再利用App扫描返张相，立即就会听到相片附上嘅录音。比起重温影片，用到呢个功能嘅机会虽然可以话系少之有少，不过如果大家有另一半，呢个功能就立即就变成传情小工具，试想像吓，当你一边望住同另一半嘅回忆相片墙，一边听番对方当时对你嘅甜言蜜语，系几咁sweet sweet嘅一件事，简直甜到有糖尿！

至于其他功能同特点，立即揿入下图睇详细介绍！

3) Canon SELPHY CP1300 ￥609

以上介绍嘅两部机同样都系以尺吋细，功能多而取胜，不过如果大家对画质要求，不妨可以考虑下以下呢部Canon SELPHY CP1300。

机身比较起嚟虽然系比起以上两部大好多，不过Canon胜在以画质搭救，唔少有入手嘅网民都一致表示打印嘅相片画质清晰，唔会有偏色现像出现，事关Canon使用嘅系热升华技术，可以令每个色彩点都呈现出256色阶浓度的变化，加上有附膜功能，相片印出嚟后会为明亮鲜艳，而且具备防水同抗氧能力，可以延长照片嘅保存时间。

Canon呢部机功能上当然亦会比以上两部专业，除咗可以印到3寸、5寸同6寸嘅相片，同时仲有43种证件相尺寸模版，唔想印相，亦都可用嚟所明信片、贴纸、咭片等等。不过相纸会比以上两部机会相对较贵，同埋体积未必带到出街，要求轻巧嘅朋友就要考虑一吓喇！

至于其他功能同特点，立即揿入下图睇详细介绍！

睇到心思思，好想买部嚟玩吓，但唔知点拣好？睇埋三部机嘅比较再决定都未迟！

✨迷你相片打印机 —— 小编总结✨

性价比之选 ▶️ 口袋照片打印机
高画质之选 ▶️ Canon SELPHY CP1300
超轻便之选 ▶️ HP Sprocket 200

(产品资料以官方最新发布为准，价钱最后更新至2020/01/21)