冻龄要趁早 提早抗衰老! 25+日本女生冻龄全靠呢几件美容神器!

如果话年龄系女人嘅秘密，咁皮肤瑕疵绝对就系女人嘅敌人！可能你会话皮肤好唔好系天生，但你又有冇谂过，其实后天保养先至系关键？过往已经有唔少明星同素人嘅例子证明，只要保养得宜，唔单止可以减少暗疮黑头，扭转皮肤状态，甚至连皱纹都可以KO，年龄都可以逆转！若然你每日照镜，望住皮肤上面嘅瑕疵都觉得好苦恼，抑或已经25+，皮肤状态大不如前，不妨睇睇以下介绍嘅保养法，每日花10分钟，就可以养成少女肌！

为咗得到一脸吹弹可破嘅鸡蛋肌，相信各位姊妹们已经无所不用其极，甚至不惜大费金钱去美容院做各种疗程，之但系你又有冇谂过，点解无论系做针清、Laser、苹果干细胞，定系骨胶原等等嘅疗程，最后都要借助仪器去完成最后一个步骤？原因好简单，皆因无论你用紧嘅精华液有几顶级，有几昂贵都好，只有借助仪器先可以令你嘅皮肤彻底吸收保养品，发挥保养最大功效！

不过完美无瑕嘅皮肤并唔系并非一朝一夕﹑定时定候去美容院就可以养成，而系需要长时间持之以恒去保养。所以点解日本嘅美容仪越出越多？又点解日本嘅女生人人都拥有一部美容仪器？就系因为保养不能懒！自己皮肤要自己勤力keep！若然你新一年都想下定决心搞好皮肤，或者唔想再受美容院束缚，都不妨买部美容仪试吓啦！

🔻日本大热美容仪推荐🔻

既然讲到美容仪，当然要从美容大国日本开始入手。虽然当地嘅美容仪牌子众多，但要数知名度最高，无论系日本当地都海外都热卖嘅，绝对就系belulu呢个牌子！Belulu系绮丽堂旗下品牌。相比起其他日本牌子，belulu嘅性价比高可以话系十分高，当其他牌子，相同功能嘅美容仪卖紧几千蚊，belulu只需一千几百就有交易，非常抵玩，亦都因为咁，belulu更加连续多年长居日本乐天市场，以及cosme大赏嘅销售榜首！今次小编就揾嚟三款唔同功能，但同样大热嘅belulu美容仪介绍畀大家。

1）belulu Classy 超声波离子复合美容仪 HK$594.19

belulu Classy系belulu嘅代表作，亦系咁多款入面最经典嘅美颜器，事关佢一部机已经包含5大功能，包括离子导入、离子导出、振动按摩、超声波，以及光子嫩肤，亦即系可以做到深层清洁、加强护肤品吸收、软化皮肤、促进皮肤血液循环，改善皮肤皱纹、改善暗疮、提亮皮肤，基本上已经等同自己喺屋企做到几款唔同嘅facial。以上每个模式都会自动运行十分钟。有唔少用家都表示，一用完就己经见到毛孔缩细咗，皮肤水嫰咗，绝对值得一试！

▼belulu Classy 详细功能一览▼

2）belulu Rebirth彩光射频提拉导入美容仪 HK$982.05

belulu Rebirth系近期大热嘅美容仪，最特别之处在于有市面少见嘅U型设计，比起一般美容仪更加能紧贴眼底皮肤，唇部周围等嘅细致部位，使用上就更方便就手。Rebirth同样都系一机具备多种功能，包括无针美塑、EMS微电流、RF射频、震动按摩，以及LED光子嫩肤。对比Classy款主打基本护肤，呢部嘅功能会再升级少少，主要用嚟瘦脸、提拉皮肤，紧致表情肌同法令纹，令皮肤回复弹性。若果你已经步入25岁，皮肤嘅弹性已经慢慢流失紧，就要考虑买部嚟Keep吓喇，否则一旦造成皱纹，就要花更多时间同金钱去保养。

▼belulu Rebirth 详细功能一览▼

3）belulu Aqua Rufa 超声波毛孔清洁铲皮机 HK$776.57

belulu Aqua Rufa主要功能系针对皮肤进行深层清洁，以金属板嘅机头设计，配合水浴净肤模式、深层保湿模式，以及提拉紧致模式，做到去除黑头、粉刺、死皮嘅效果。深层清洁之后，仲可以用埋导入、EMS 微电流，以及提拉功能，令皮肤望上去有光泽之余，亦都充满弹性，就好似18岁少女一样咁卜卜脆！

▼belulu Aqua Rufa 详细功能一览▼

4）belulu Triple Rich Booster磁气温感导入眼笔 HK$$211.15

眼晴系灵魂之窗，每当同人接触，你嘅第一印象如何，够唔够魅力，眼晴就变得好关键。虽然对男人嚟讲，鱼尾纹都系魅力嘅一种，但对女人嚟嚟讲，鱼尾纹就会显得个人衰老冇精神，所以趁有得keep嘅时候一定要尽早keep！呢款磁气温感导入眼笔可以加速热休克蛋白(HSP)嘅生长，从而改善因为紫外线、干燥而造成嘅眼部老化问题。功能上当然不及以上三部，但若然想小试牛刀，或者局部针对眼部问题，呢部机绝对系一个唔错嘅选择！

▼belulu Triple Rich Booster详细功能一览▼

四款美容仪点拣好？一图睇清各款美容仪主要功能！

虽然𠵱家唔少门市及网站都售卖日本嘅美容仪，但想买得更划算，当然系去返日本网站买！比起香港嘅门市平近一半咁多！

(产品资料以官方最新发布为准，价钱最后更新至2020/01/15)