【后父之难】难得有缘成父女值得付出：若有天女儿不认我怎么办？

阿烈甚至比太太更明了小朋友情绪的变化。阿烈和母女认识之初，太太与前夫刚离婚不久，申请搬上公屋，“小朋友面对好多转变，情绪唔会表现出嚟，但学校成绩一落千丈。每隔一段时间就会咁。”妈妈天生性格火爆，见成绩差便眼里冒火把女儿的书包抛出门外，冲口而出：“你唔好喺度瞓，你返去你老豆（亲父）度啦。”
“咁我嘅角色就出场喇，就同佢讲，你唔应该咁做。”阿烈在女儿眼中，头顶有耶稣光。慈父，4年来没有骂过女儿半句。记者直截了当地问：“因为佢唔系你个囡？”烈如是回答：“喺呢个年纪，闹同打系冇用。”教训女儿的时候，他却反问女儿：“如果你系我，你会点做？”阿烈在女儿生命中的角色，是一个挑战者。“佢大个喇，想畀啲责任佢。”家庭日、旅行的日程，他都让女儿负责。“佢（囡）细个嘅时候冇爸爸，妈妈又要工作，冇人教佢，所以做嘢好求其，调转头现在我要教佢纪律。”

我会做得比亲父更好

太太因前夫出轨而离婚，在女儿成长当中，亲父的参与仅只负担些微的补习费。升学、人生目标以至价值观，却是这位后父一直拖带著。去年女儿升中，烈爸爸详细地与女儿分析各校的优劣。怪兽家长们都预备好厚如辞海的履历，女儿回家问烈爸：“Daddy点解你冇帮我准备？派唔到咁点算？”烈爸：“Daddy唔会做呢啲。学校系要靠你自己考返嚟。”今次年终升班试，烈对女儿苦口婆心：“今次爸爸唔叫你畀心机，唔想你考试为我哋，今次我想你为自己而战。”女儿似懂非懂。他自知女儿踏入中学，还是呆头呆脑，未有人生目标，问她：“你大个想做啲乜？我知道你冇咩谂法，医生？洗碗？律师？兽医？”女儿回答：“兽医。”阿烈：“兽医要读几多书，你知唔知？”

记者问：“对女儿的爱，或多或少出于怜悯？”阿烈摇摇头，说：“冇。若果我怜悯佢，即是同情。我点会同情我自己个囡。我只想太太知道，我要囡囡比任何小朋友活得好。佢称得我做爸爸，我认得你系我个囡，承受得起爸爸两只字嘅责任，我就要做得到。”

爸爸，我希望永远长唔大喺你身边

“我同女儿的亲父，分别在于少咗血缘和那八年的时间，但唔代表我做唔到一个出色的爸爸，而且我会比佢亲生爸爸做得更加好。”那八年，阿烈无法经历女儿哗哗落地被抱出产房、第一次出牙仔、学走路，“冇计啦，鬼叫你迟咗入场咩。”他却经历女儿第一次箍牙，第一次验眼，他忆述女儿第一次验眼的时候，明明前景看不清，又故作看见；他手机里仍保留著女儿第一次在他怀内酣睡的样子。相识之时适逢女儿生日，他买了一个Hello Kitty的蛋糕，自此每年生日风雨不改，以Hello Kitty蛋糕作为父女相认的纪念。

女儿曾对他说：“爸爸，我希望永远长唔大喺你身边。”阿烈甜在心头。“难得呢个人同你有缘份，系好值得去付出。难得有人肯接受你嘅爱，应该要珍惜。”阿烈与女朋友相识以前，女友曾认识一个男人，与她的女儿见过面，可是女儿对那男人的反应可大了，指著男人骂：“你唔好再揾我妈咪，我唔想再见到你。”所以阿烈深信，后父与继女都是一段不可多得的缘。有时候，后父却有他的忧虑：“如果有一日佢讲‘点解我要听你讲，你又唔系我亲生爸爸’咁我点算呢？”太太安慰“啊女，唔会嘅。”阿烈：“但我都畀自己心理准备。”

阿烈口里常说“我个囡系咁㗎！”由衷地视她为自己所出。他仍记得第一次相识的时候，女儿发著高烧，牢记她每一个表情，甚至精准地说出她的年岁：“𠮶时佢11岁半，我同佢去接妈咪放工，佢话好攰，叫我孭佢。”阿烈揹著早已长得高挑的女儿，他问她：“你想爸爸孭到你几岁？”女儿果然认真地思考，良久，说：“16岁吧！”烈爸爸：“咁咪有排孭？”女儿：“系㗎！”