分手专家｜叶念琛诚邀七仙羽坐阵　笑指：套戏集齐TVB、Viu艺人

由叶念琛执导，陈家乐、曾乐彤、马思惠、黎峻等人主演的英皇电影《分手专家》今日（29/9）在举行煞科仪式，叶念琛表示好长时间冇拍叶念琛式的爱情片，早前拍了贺岁片，去年又返内地拍古装喜剧，而老板杨受成博士又刚好揾自己，感到是时候要回归。

杨受成博士问到叶念琛有冇爱情片故事在手，叶念琛回应：“真系有喺手，今次《分手专家》一定是拍分手、拆散人，今次好（心）痛㗎，其实我一讲个名，大家都好有画面，部戏主题就系讲一班人做一盘生意叫做分手专家，当中就会有好多招数去拆散人，呢啲就好叶念琛啰。当然今次都会有轻松、搞笑同埋痛啰。”

问到今次觉得曾乐彤做阿宝如何？叶念琛直言：“拣得做阿宝都有佢嘅特质，曾乐彤其实就好Sweet，好需要受保护，今次就揾咗陈家乐同佢做拍档，都有新鲜感。另外两位新人黎峻同马思惠都系未拍过电影，但佢哋条件都好好，颜值又高，好多人都话黎峻好靓仔，我拍返港产片就想要啲新啲嘅组合。”

点击睇更多：