分手专家｜练美娟爆公司曾要求“执执个样”：我极力争取话讲唔会

由叶念琛执导，陈家乐、曾乐彤、马思惠、黎峻等人主演的英皇电影《分手专家》今日（29/9）举行煞科仪式，而在电视剧《大叔的爱》中以Carmen姐一角入屋的练美娟，首次拍电影表示兴奋又紧张。

问及娟姐是否在《大叔的爱》后准备开展演员之路时，她笑言：“我好开心《大叔的爱》之后都有啲导演、监制想认识我，今次真系好开心叶导揾我参与佢一年一度嘅爱情作品。其实你睇我个打扮就知同以前角色好唔同，希望可以俾到新鲜感观众。（导演有赞你㖞！）系咩？导演好鬼马，佢唔会喺你面前赞你，如果佢真系咁讲件事就真系真嘅，佢可能惊我嚣啊。我好庆幸佢发掘到我另一面，竟然够胆揾我去做呢啲角色，我真系多谢佢。”

及后娟姐补充今次担任类似反派、较为恶的角色，跟她以往满有傻气、时常大笑的好不一样，当收到剧本时都在想：“你（叶念琛）究竟喺边个节目或范畴见到我呢面，觉得我可以胜任呢？内心都有怀疑过嘅，但做落去佢都有好好指导同教我，希望出到嚟大家会觉得除咗Carmen姐之外都可以做到其他嘢。”

事实上今日娟姐的妆较为浓，问到是否为了要扮恶特地化得更浓，娟姐回应：“啲人成日都话我个样好老积，似3、40岁，我觉得我呢个妆系有60岁，你哋觉得呢？呢个妆简直系要退休嘅妆嚟，应该系职场嘅老屎忽嘅样。”

最后问到有冇曾被公司要求减肥或整容时，她直言：“开头公司真系有要求过，想我清减少少，然后我极力争取同佢哋讲‘其实我瘦咗又同一般靓女有咩分别？喺大海之中见到一样嘅靓女，即系我肥得嚟都靓都讨好咁先至系独特啊嘛’，我就最钟意独特，如无意外，我都同公司讲声，我唔会减肥㗎！哈哈！”