分手专家｜曾乐彤演新阿宝感压力　陈家乐：七师傅拍戏紧张好好笑

由叶念琛执导，陈家乐、曾乐彤、马思惠、黎峻等人主演的英皇电影《分手专家》今日（29/9）在举行煞科仪式，曾乐彤首次担任女主角之余更要饰演新任“阿宝”，她自言都有压力同紧张。

曾乐彤和陈家乐先讲到各自的角色，曾乐彤：“呢个阿宝系个好固执，一就一、二就二嘅女仔，面对我同另一个拍拖3年嘅男仔，系一对好贴地嘅情侣，但就因为发生金钱上纠纷，导致成为了分手专家，而陈家乐就系呢个团队入面的大师兄。”陈家乐：“我系一个智慧型嘅大师兄，佢哋呢班小朋友蠢得济，我就会献计去统筹一件事嘅主要人物，但系后来大家就会发现每次都有好多状况发生。”

提及今次有不少新人参演，陈家乐表示：“今次系好玩，又有好多新鲜嘅组合，就好似七仙羽师傅同阿Bob组成一对，所以都好期待。（片场嘅七师傅系点？）佢拍嘢个阵系好好笑，但佢唔拍嘢个阵系好正经，佢都会紧张，拎住剧本问‘我第一次做点算呢’都会问我点做，我就话师傅唔紧要㗎，你做咩都啱㗎，你个特色就系你做咩都得先好睇。（七师傅喺戏入面系咪做返师傅？）唔系，师傅唔系做返师傅，不过都系个会谈恋爱嘅人。”

曾乐彤讲到自己饰演新任“阿宝”都会紧张及有压力，她：“其实导演好好，佢俾咗好多空间我，又会同我哋排戏，大家都会好直接讲出啲问题，除咗某啲好重要嘅场口，其他都好享受。”最后问到电影讲分手，陈家乐有冇好心痛的经历时，曾乐彤即时在旁帮口：“个个都有㗎啦，而家咁开心，而家咁开心咪得啰。”陈家乐补充：“我就唔记得晒㗎喇，总知过咗去我就唔记得㗎啦。”