梅艳芳｜廖子妤演梅爱芳喊出姊姊情　王丹妮︰喺医院一番话好辛苦

改编自香港天后巨星梅艳芳真人真事电影《梅艳芳》，电影在尖沙嘴1881设置纪念展览，请到主演梅艳芳及梅爱芳两姊妹的新演员，王丹妮和廖子妤到场。

廖子妤表示见到婚纱服装最震撼：“拍呢场最后演唱会戏我有去探班，睇住佢着起呢套白色婚纱，佢一开始唱歌我已经喺度流眼泪。”王丹妮补充：“我之后知道家姐喊，觉得好感动，但又因为系最后一场，都代表住我对团队嘅不舍，我都眼湿湿，但又要控制好自己情绪，唔可以嚎哭。”

除了演唱会一场戏特别印象深刻，两姊妹的对手亦不少，问及哪一场戏同样感动时，王丹妮先表示：“家姐病咗喺医院同佢讲嘅一番说话，个日拍摄其实好辛苦，我哋系冇停过咁忍唔住喊，有时大家真系揽埋一齐喊。（廖子妤：仲要个情绪，当下唔允许咁样崩溃喊。）家姐又做得好好，好深感受，个心真系揪住。”

廖子妤都有提及事前准备一点都不容易，剧组单是在香港招募演员前后都花了一年时间：“我系2017年年头试镜，直到2017年9月先揾到佢（王丹妮），好彩揾到你。”另外廖子妤都有大赞王丹妮为人十分真诚，很有义气：“我哋喺相处嘅过程中，愈来愈觉得舍佢其谁，可能我识人少，我喺自己脑海搜寻过，呢个年龄层又可以演到，撇开外在条件，其实佢都系一个好有经历嘅人，又同梅姐一样有一个好强悍嘅心，佢对人真系太好，好真心地关心一个人，好想帮你个种，真系一个好热情嘅人，而梅姐都系同样嘅人。”