#PTGF出租女友｜郭奕芯曾遇不明饭局：啱就点点点，啱即系点？

郭奕芯（Ashina）在新片《#PTGF出租女友》为首位出场的PTGF“Ball Ball”，她形容“Ball Ball”为人现实、港女以及非常拜金，她：“佢知道自己优点系身材，每一次应付男人都着到好性感，从而喺佢哋身上攞多啲钱。”

Ashina自言最难忘在桌球室拍笃波戏，该场戏讲到赵善恒、张家希（JonJon）和岑珈其打桌球，珈其致电叫Ashina到场晒命，Ashina就着超性感的大低胸窄身裙戏服亮相。但当时她因患上荷尔蒙失调，导致整个人很肿，而且剧情指她笃波好叻，但她本身不懂得打桌球但剧情指她笃波叻，要临场即时练习，更要带给观众对PTGF的首印象，因而在各种原因下令她感到压力极大，她：“系惊自己做得唔够好，好彩成件事顺利。岑珈其之前有合作过，佢系我心目中嘅出色演员，好有综艺感。同埋呢次系我第一次喺荧幕前讲粗口对白。”

疫情高峰拍戏攰到瞓教飘浮

提起荷尔蒙失调，Ashina苦笑说：“前排疫情留喺屋企，好想有嘢做又好闷，唯有系咁食嘢，新陈代谢好差，好肿又心情浮燥，最惨都系好想食嘢，系黐咗线，好似魔鬼系咁搞乱我，拍完《#PTGF》就睇中医，饮中药调理返，依家正常瘦返啲。”在开拍电影期间，正值疫情高峰，故比起一般港片拍摄更困难，Ashina说：“电影好少由夜晚开到第日下午，但幕后人员仲辛苦，永远我哋舒舒服服埋位，拍完走先，佢哋执头执尾，拍完笃波后再拍喺电话舖嘅戏，中间喺车度休息，第一次瞓到飘浮咗去，好夸张。”

现实世界有PTGF为钱，亦有女明星入娱圈为吊金龟，特别系Ashina拍性感戏多，亦易被人标签拜金、随便，她则说：“有人咁认为并唔意外，俾人讲唔系一件坏事。我拍戏比较性感，俾人觉得我思想行为open，真系身边有啲朋友或者男仔话你拍三级片都会锡呀揽下，做呢啲行为都冇咩所谓，我觉得好唔尊重。”她认为最紧要努力做好自己的角色，“喺你更好嘅时候就冇嘢讲，因为大部份人只在乎结果唔系过程。”

曾遇不明饭局吁唔好被呃

“Ball Ball”是拜金女，一切睇钱至上，娱乐圈亦一直流传“女星饭局”，问及Ashina有否遇过？她直认有：“有架，又唔会讲到好出面，我唔系好清楚系唔系，有啲嘢一问就好低档次，朋友唱K食饭，有朋友派下利是我又唔觉得好特别事情。有人问过食饭几多钱，但食饭有冇其他又唔会确实答到，叫你去咗先，如果啱就点点点，啱即系点？又答得唔清楚。我会睇边个同我去，要睇场合系咪适当，feel到唔对路会走。”Ashina觉得“呢个世界冇咁便宜事情”，所以好多model都被呃，有女仔入世未深，被呃后亦没有获得演出机会，最紧要系靠自己实力及人际关系。