《#PTGF出租女友》赵善恒@ToNick　打算继续发展《一秒拳王》班底

萧定一旗下“hmvod”开拍的话题港产片《#PTGF出租女友》，电影改篇自真人真事网络小说，ToNick成员赵善恒（恒仔）早前凭《一秒拳王》赢尽口碑，今次担任《#PTGF出租女友》男主角，他接受《香港01》访问时表示十分感谢萧定一。
摄影：叶志明

当问到今次拍摄《#PTGF出租女友》跟《一秒拳王》时最大分别在何处时，恒仔回应：“对比打拳嚟讲的确冇咁吃力，但在于演员嘅界别嚟讲，我仍然仲系一个新人，所以好想再挑战自己，同导演沟通过，都知道佢用咗3年时间嚟构思呢个剧本，究竟点样可以满足到同呈现到佢想要嘅嘢会喺我最大嘅课题。”

由于《一秒拳王》后，未见恒仔身型有反弹，问到是否都有保持身材时，他：“饮食上一路都有保持好，尽量食得清啲，有做运动、跑步，当然冇上次拳手式咁刻苦嘅训练。”

由于恒仔跟邓月平在戏中是一对，他从英国回流后遇上PTGF邓月平，所以两人都有很多对手戏，问到两人会否有大胆的戏份时，恒仔：“呢样都系我同导演倾得最耐嘅一件事，究竟想拍到咩程度，要有几多？点解？合理嘅话要尽力去做，而佢又想点拍呢？导演都有同我讲‘你放心，唔系要你乱嚟，每个场口都会有唔同嘅感情’（究竟有冇大胆戏份？）暂时倾到同邓月平呢条线，我哋系好纯粹嘅爱情线，但最终会唔会有呢啲戏份就要等大家入场睇戏喇。”

恒仔自言同萧定一相识已久，对方打电话邀请演出男主角，过程中自己都跟经理人沟通、考虑了很长时间，因为都要思考下自己究竟做唔做得来，最终觉得作为演员的确无论如何都要作出挑战，做好自己的本份亦好多谢萧定一。

最后恒仔感谢大家喜爱《一秒拳王》，目前会专注在《#PTGF出租女友》上先，其实自己都有谂办法将《一秒拳王》的班底继续去发展，亦都构思紧故事，一部电影需要的时间都好长，自言会努力去做，希望大家可以耐心等待。