#PTGF出租女友｜钟培生为“林钟一战”戒酒　︰开打前要逼尽自己

由萧定一旗下“hmvod”开拍的话题港产片《#PTGF出租女友》，“香港电竞之父”钟培生（Derek）都有份投资，今早（18日）他接受《香港01》访问时都有提到自己近日正在积极备战“林钟一战”！
摄影：叶志明

钟培生先讲到自己投资的电影《#PTGF出租女友》，他本人不会参与任何的制作及管理，因为自己唔识，全部都会交由摄影制作、导演去做决定，而问到钟培生近日对打拳的操练如何，他信心爆棚：“超级fit！啱啱阿一（萧定一）走嚟想扫我啲腹肌，我已经系日日朝早7点半起身，睇下培生培心啲留言先，8点拉筋直接进入练拳状态，教练8点半嚟到就开始练，之前我都未够能力打入擂台，开始会做啲深少少嘅训练，都有做返体能，嚟紧呢半年都会好守纪律咁去练。”

当提及饮食上又会如何控制时，他苦笑：“饮食上就惨喇，冇得饮酒啊！7月前可以饮4次酒，但而家已经用咗2次限额，汽水又唔饮得，我好钟意饮汽水架！但其他好似肉个啲咁就照食，打边炉就仲未戒到，我都好钟意打边炉，教练都okay嘅。”

钟培生自言现时因为都要返工，唔会全日用来练习，但在开战前夕一、两个月就会将自己逼到最尽，一日会操两至三转，一定会系爆炸性咁练。而对于拳赛，钟培生表示有考虑会在网上设立投票询问大家，究竟大家想睇佢一开始就KO林作，还是跟他玩足4个会合呢？他：“我都要有返一定实力先可以做到架嘛。”