《#PTGF出租女友》萧定一叹失业率持续高企 “想帮到人有工开”
撰文： 沈洛嘉
出版：更新：
由萧定一旗下“hmvod”开拍的话题港产片《#PTGF出租女友》，今早（18日）进行开镜活动，他接受《香港01》访问时讲到在现时失业率高达7.5%咁严重的情况下，都希望可以帮到一班空姐，大家都有戏开拍。
摄影：叶志明
出品人萧定一表示对于今次开拍《#PTGF出租女友》，他：“呢个题材都几年喇，佢系一个真人真事，几年前导致牵连大波，搞到Facbook同埋IG所有“PTGF”有关嘅标记都被封锁，因为有个男仔漏夜将3千多张PTGF嘅相放上网，成为一个社会事件，铿锵集都有做访问，我觉得有咗社交媒体之后，好多女仔都利用嚟揾钱，加上当中嘅道德包袱，系件好有趣嘅事情，随住时代进步就好似以前嘅𡃁妹仔一样，我一向都好钟意拍呢啲题材。”
而问到今次《#PTGF出租女友》标榜空姐优先，是否想帮她们一把时，萧定一回应：“绝对系嘅，虽然好多人觉得用心系咪有问题呢，但我觉得自己知道个用心喺边，今日最好一样嘢系证实我哋招募咗佢哋，而佢哋真系空姐嚟，加上失业率高成7.5%咁严重嘅情况，帮到人有工开，系我哋最想做嘅事，可能咁啱又有啲敏感啦，讲PTGF又空姐，如果系《29+1》就唔会觉得有问题啦，其实做戏姐，大家又唔使咁敏感同认真，如果佢哋真系做戏又有咩所谓吖。”
有份演出《#PTGF出租女友》的新演员多达十多位，问到萧定一有冇睇到边位已经好抢眼时，他笑言：“睇下佢哋今次表现点啦，其实演员除咗外型内涵都好重要。”