李力持暗批今年贺岁片低质　大堆头但唔搞笑：观众心知肚明！

导演李力持今晚（15/2）出席在太古城举行的电影慈善群星首映礼。李导演透露新春期间一套港产贺岁电影都没有睇：“其实近年嘅港产片又其是贺岁𠮶啲，好多都好赶拍，全部都系大堆头明星，你会睇到呢套同𠮶套嘅明星都好似差唔多，咁样并唔系办法嘅，搞好个故仔啰，因为好多套港产贺岁片都话搞笑嘅，咁好老实搞唔搞到笑，观众心知肚明嘅，你系搞笑观众一定入场，如果你唔搞笑，个反阻力好大，我都睇到好多社交媒体，都闹得好狠下，哈哈！”

多套贺岁片在新春期间上映，包括有周星驰的《新喜剧之王》及王祖蓝首次执导贺岁电影《你咪理，我爱你！》等，李导演表示觉得现在流行演员当导演：“见到一套系咁，另一套又系演员当导演，可能而家潮流系咁冇办法，观众嘅口碑会反映到，导演就系导演讲故仔，如果唔识讲故仔就唔好做导演，好唔好呀！”

李力持导演表示《新喜剧之王》由执行导演邱礼涛指导下，只用了一个月时间就拍摄完成：“佢系快枪手，快靓正，一个月就杀青，二十年前我拍《喜剧之王》都拍咗成3至4个月时间，咁未必话拍得耐就叫好嘅，咁拍得耐咪谂嘢仔细啲啰，始终慢工出细货，谂返以前同星仔（周星驰）合作都好开心，不过而家周星驰呢个名喺大陆好值钱，据闻仲话会开拍《美人鱼2》、《功夫2》，希望大家期待下周导演嘅作品啦。”