澳门美食｜零差评“无骨鸡翼包” 大三巴隐世茶档位置考起本地人
今期去探一间澳门“隐世露天茶档”，亲民平价，30、40蚊就食餐饱，踎喺井边就食，穿越翻80年代，呢度嘅无骨鸡翼包引得无数澳门人，开GPS都要“跋山涉水”专程打卡。
露天茶档 神隐茨林围后巷
隐藏喺茨林围（在大三巴牌坊后方）嘅文哥鸡翼包对为食妹嚟讲有啲“挑战性”，开住导航四周围揾，门口就得丁碎咁大，一唔小心就行过龙。👇👇👇
呢间店睇起身好似开喺夹缝入边咁，再行几步穿过窄巷就豁然开朗。一口深井、一袭凉荫、几张板凳，简简单单但有种隔世悠然嘅氛围。
呢度最出名嘅就系无骨鸡翼包，为咗呢一份美味，无数澳门人同游客愿意“踏破铁鞋”嚟会佢。话不多讲，我哋即刻去片！
头牌美味 包香不怕巷子深
1. 人气火爆全网零差评
呢段时间为食妹嘅小红书首页，简直要俾“文哥鸡翼包”刷爆！话佢最红，一啲都唔过份～呢件无骨鸡翼包堪称0差评，平靓正系佢嘅标签。
“文哥鸡翼包”点止鸡翼包，无骨鸡翼公仔面、辣鱼三文治、蕃茄牛尾汤通粉、瓦煲香滑奶茶都各有捧场客👇👇👇
2. 无骨鸡翼包玩出花样
无骨鸡翼包嘅花臣都好多，斋包底都有猪仔包、甜餐包、咸餐包三种选择，有辣有唔辣，仲可以加芝士、辣鱼、肉松呢几种料，满足唔同口味嘅为食精！
无骨鸡翼包
猪扒包平时就食得多了，无骨鸡翼包为食妹都系第一次食。作为店内嘅头牌美食，一上台就有被香到，终于理解点解咁多人“跋山涉水”都要嚟食！
揭开块包就可以见到手板咁大块嘅鸡翼，每一啖都系肉欲爆击！不得不赞，鸡翼腌到咸香入味，忍唔住食多两啖，而且无骨嘅设计岩晒我呢啲懒人～
芝士鸡翼包
为食妹最推荐嘅就系芝士无骨鸡翼包，加咗芝士嘅无骨鸡翼包直程系香上加香。芝士片俾鸡翼同包嘅温度所融化，食嘅时候仲可以拉丝，睇住都流晒口水！
3. 仲有无骨鸡翼“周边”
“没有人比文哥更懂鸡翼包”，除咗无骨鸡翼包，呢度仲衍生出好多种无骨鸡翼“周边美食”。
无骨鸡翼公仔面
为食妹坐观成个下午，发现最多人叫嘅就系无骨鸡翼公仔面，隔离台high tea嘅哥仔人手一碗！“烧鸡翼～我钟意食～”鸡翼同公仔面呢个黄金CP，好味顶肚又抵食！
延伸阅读：食葡国菜澳门人推介4间葡式餐厅 点止非洲辣鸡马介休👇👇👇
平价爆款 通通都不能错过
“文哥”拿手绝活不止于无骨鸡翼，口口相传嘅美味仲有好多。
辣鱼三文治
例如辣鱼治就深得我心～三文治烤得微微地㶶，尤为香脆。辣鱼蓉好有料，馅够足！辣鱼蓉辣而不呛，连只可以食微微辣嘅我都可以接受。鲜、香、辣，弹响舌尖三重奏！
蕃茄牛尾汤通粉
上个礼拜食咗干炒牛通，今日就叹蕃茄牛尾通。蕃茄底浓郁到稠糊，吃得出蕃茄肉蓉。牛尾炖得超级绵淋，入口即化。睇起身普通嘅菜式，味道却完全不含糊！
瓦煲香滑奶茶
最后整翻杯瓦煲奶茶，为今日揾食加上完满嘅句号。瓦煲奶茶丝滑浓郁，茶味、奶味、甜味融合得啱啱好，完全唔驶加糖中和都可以接受！
丨文哥鸡翼饱丨
喺边度食：导航到“澳门茨林围”
几时有得食：10:00-20:00
揾食电话：+853-66699065
【本文获“食在澳门”授权转载。】
澳门大三巴附近美食多吗？
我们介绍过有猫山王专门店的“多肉榴梿葡挞”，隐世露天茶档的“无骨鸡翼包”，行远少少有怀旧街边档兴二夹饼小食的“炭火现烤鸡蛋仔格仔饼”等等。