【渣打马拉松】余德丞相隔4年再挑战10K赛：如果半马就太辛苦

近期人气急升嘅TVB小生余德丞（Dickson），身为游泳健将身型劲Fit，拍剧都有唔少Show肌镜头。除咗游水之余佢都不时有跑步，今日Dickson就参加咗2018渣打马拉松10公里赛事，相隔4年再次参赛，以49分50几秒成绩完成，冲过终点后大汗淋漓嘅Dickson接受《香港01》访问时话：“4年前跑过52分钟，自己目标都系唔好慢过呢个时间，对成绩都几满意好开心。”

【渣打马拉松．多图】蔡思贝半马劲快跑完：比目标时间快咗2分钟【渣马2018】余德丞自言唔够蔡思贝跑半马咁劲：我跑10K都几辛苦

做任何运动都要做足热身同准备，Dickson参与今届渣马10公里赛，第一组朝早5点9起步，他早在4点几已抵达北角东廊赛事现场，做定热身拉筋运动。最终成绩49分50几秒，Dickson就话：“如果下年再参加当然想再快啲啦，不过跑步真系要好长时间训练，对我嚟讲十公里已经系好长距离。（会唔会好似蔡思贝咁跑半马？）应该唔会啦，佢读书已经跑开我就游开水，业余玩下十公里都可以，如果半马就太辛苦啦。”