【渣马2018】余德丞自言唔够蔡思贝跑半马咁劲：我跑10K都几辛苦

今年有唔少无线艺人都参加了渣打马拉松2018，余德丞（Dickson）就是其中一位，比赛即将举行，他亦已准备就绪。对于身为游泳健将的他来说，原来要跑10K并唔容易：“今次系我第二次跑10K，第一次系4年前，无第一次咁紧张，心情是期待同兴奋。我12月中开始练跑，但之后工作比较忙就少咗时间练。练跑其实我一向都觉得系辛苦嘅，游水轻松好多，所以我嚟紧都唔会挑战半马全马，最多都系跑返10K。我之前参加过渡海泳，如果要跑半马全马，我宁愿游渡海泳。我4年前跑嘅时间系52分几，今次希望维持返差唔多水平我就满意喇。”

除了要练跑保持状态，当然作息时间都好重要，身为艺人要每日都有充分休息实在好难，Dickson表示：“我5点9开跑，仲要预时间食早餐消化下，其实3点多已经要起身，所以呢两日真系尽可能早啲瞓早啲起身，希望自己喺最短嘅时间适应呢件事，虽然咁样唔啱，不过无办法。𠮶朝会食香蕉同饮水，做好保暖同拉筋。尽量enjoy个过程，唔好特别追求时间。”而他明日与同样参加渣马的蔡思贝跑完比赛，夜晚就会出席《万千星辉颁奖礼》，翌日就再同思贝出发去缅甸拍摄旅游节目，好chur呀。