【渣打马拉松．多图】蔡思贝半马劲快跑完：比目标时间快咗2分钟

渣打马拉松2018今日（1月21日）举行，TVB不少艺员都有参加，其中出名耐力好的蔡思贝今次就跑半马，而且不用2小时就完成，成绩好过好多跑手！

马拉松系好讲求耐力及意志力嘅赛事， TVB女铁人蔡思贝（Sisley）挑战“渣打马拉松2018”半马赛事，成绩相当唔错，做出1小时47分55秒，比起赛前目标时间仲要快咗两分钟。Sisley赛后接受《香港01》访问就透露中途都跑到想喊，不过有呢个成绩相当开心，但当然并唔会自满：“细个跑21公里1小时44分，依家都慢咗3分钟，希望追番细个青年组时间。”

【渣马2018】蔡思贝挑战两粒钟跑完半马　女铁人再直踩台庆颁奖礼【后生仔倾吓偈】蔡思贝长跑真系好劲　余德丞：我无气佢都未停

成功挑战自己，应该开怀大食再快啲返屋企补眠，不过Sisley就话自己真系无得抖，事关今晚就系台庆颁奖礼啦：“寻晚瞓唔著，一日内有两单大事发生，依家可以松一半口气，因为完成到赛事我仲企到喺度，我都担心过完成唔到架。不过做完访问都无得返屋企，因为腰有旧患我要去做物理治疗， 今日唔做之后去12日缅甸无时间，要去急救咗先再赶去颁奖礼，如果等阵颁奖典礼见到我恰眼瞓唔好话我呀…哈哈。”