【溏心风暴3】金句其实唔使夹硬堆砌 头两辑够自然反而得人喜欢
撰文： 黄梓恒
出版：更新：
《溏心风暴3》播了三集，大家都对这套剧评价一般般，主要说它太过翻炒头两辑的套路，观众没有新鲜感。其次是今次大量加入当今的潮语，但经常由一些老人家例如司棋姐和夏雨说出来，本应轻松画面变得相当之尴尬，其实如果想玩潮语就应该交俾后生仔。而剧集最大问题是刻意经常制造“金句”，因为头两辑的无心插柳令到金句成为《溏心风暴》的标志，可惜今次强硬加上去就有点画蛇添足。
不如都系重温一下当年的经典金句，用得好之余又能够掀起剧情高潮，绝对不是求其讲两句就算。
第一辑《溏心风暴》，大家最记得一定是司棋姐大闹菊姐和阮兆祥的一幕。
“大家在前门捉贼，你们就在后栏放火！你哋觉得自己有无造错呀？”
“你唔驶对号入座！总之边个做过，你自己心知肚明。（嗱你无证无据，唔好…）我话系就系！唔使证据，呢度唔系法庭，唔需要证据，我对眼就系证据！哼！我睇人睇咗几廿年，边个系人边个系鬼我睇得出，你立过咩心肠，做过咩事，你最清楚。”
又系司棋姐闹菊姐嘅情况。
“我系交带你好好睇实呢头家，但系你同我做过乜嘢？两句说话可以讲晒，未登天子位，先置杀人刀！”
仲有司棋姐点醒自己班仔女的时候。
“耳听三分假，眼看未为真，你哋听过呢句说话未呀？”
到《溏心风暴2》菊姐都金句王上身，讲出一番鼓励人的说话。
“我说你行，你就行﹔我说你不行，你就不行。你说你行，我说你不行，你也是不行﹔你说你不行，我说你行，你还是行！”
还有李香琴饰演的嫲嫲，大闹米雪的一场戏也有好深的印象。
“你唔系第三者，你系第三者之中嘅表表者呀，如果你唔系第三者，呢个世界都无第三者架喇！”
当然不少得司棋姐，在安慰夏雨的一幕也十分警世。
“咁咪系啰，你都唔系个天，你点知道个天做乜嘢啫？个天想报应你咩？有无听过三个字呀：天晓得呀。乜你好得闲咩？连天做嘅嘢你都要理呀？”