【溏心风暴3】李司棋回应网民争视后：我都希望唔会令佢哋失望
撰文： 黄梓恒
出版：更新：
《溏心风暴3》下星期就隆重登场，大家对头两辑的印象相信依然深刻，因为剧中实在太多警世句子，即是金句。而讲得最多这些金句的人，一定是饰演大契、荷妈的李司棋，司棋姐一句“呢度唔系法庭，唔需要证据，我对眼就系证据”，至今仍然令人津津乐道。
那么究竟今次《溏心风暴3》还会不会有大量金句呢？在接受《香港01》访问时，司棋姐说：“其实金句呢样嘢真系好得意，可能只系剧情推动，或者演员嘅演绎方法，令到观众睇起上嚟好感触，咁就入咗脑变成金句。其实我都觉得好奇怪，点解会变咗金句，到而家大家仲好记得我话边个系人边个系鬼一眼睇得出，其实都系凑巧架啫。今次我哋无著重呢啲，反而觉得时代进步咗，会喺网络上讲一啲潮语，咁我哋戏入面都讲潮语，因为要追得上时代呀嘛，例如讲一定系除非唔系。我初初拎到剧本，因为我大乡里喇，我以为会唔会抄错咗，咩意思呀？我唔讲呢啲架嘛，喺拍之前我真系唔识，而家知道，我哋会讲好多，俾大家知道我哋追得上时代。同埋根本好多嘢改变紧，我哋唔可以守住旧时嘅步伐。”又来玩潮语，其实TVB近来都玩好多贴地情节，不知道大家又受唔受落呢？
上两辑其实收视都好好，不过事不过三，通常第三辑的收会都会比较差，在电视方面甚至会烂尾，所以有些人都说《溏心风暴》系列应该见好就收。不过看来司棋姐并不担心这个问题，她说：“我而家睇就唔系好担心，因为我哋都做咗好多宣传工作，有啲工作人员其实已经睇晒，佢哋都话好好睇。初初我哋系咁问人架，咁佢哋都话好好睇，而家个心就定落嚟啰。（争视后？）我哋几廿岁人唔谂呢啲架喇，（网民想你攞㖞？）我都希望唔会令佢哋失望，但我一向对呢啲嘢嘅取向，唔系去计呢样嘢，我只系想大家睇完都会记得我，记得火姐。”
+5
想知更多司棋姐在戏中跟关菊英、米雪和阮兆祥的恩怨情仇，就要睇片喇！