【溏心风暴3】金句潮语泛滥 又呃like又畀赞连小凤姐都出动

撰文： 张嘉敏
出版：更新：
呢啲成家人食饭场口就系讲金句嘅好时机。（影片截图）

无线50周年台庆重头剧《溏心风暴3》已经播出了第一集，大家睇完这集最有印象是甚么呢？是在TVB“禁色令”下净化版的陈伟琪色诱黄宗泽戏份？抑或是《溏心》系列中，老是常出现的连串金句呢？首集的《溏心3》就已经有不少金句，基本上整集的剧情可以说是用对白来推进，单靠听唔睇画面，其实都完全可以掌握到呢集内容讲咩，明显睇/听得出对白的设计花了很多心思。

夏雨继续做金句王。（影片截图）

不过，亦可能会有人嫌剧中金句太多，几乎所有主要角色在第一集入面都有金句出，甚至无啦啦都要讲两句，感觉过份刻意去讲咁。除了金句，还有大量网络潮语，直情多到泛滥，虽然将潮说加入对白中无疑可以令观众更有共鸣，内容亦可更加贴地，但太多就难免让人觉得有些突兀，真心想问一句“使唔使成日讲呀？”

黄宗泽大爆沟女金句。（影片截图）

好喇，大家就睇下第一集有那些金句和潮语的例子：一开场饰演黄宗泽小时候的小演员已经大讲金句：“好多读书叻嘅人都系同啲读书唔叻嘅人打工㗎咋。”之后到真正的黄宗泽出场，他教王浩信追女心得：“媾女有所谓三不政策，不主动、不拒绝、不负责，依家再加两个不，不要做狗公，不要去狗冲。”

当然唔少得“溏心”系列金句王夏雨啦：“急事就慢做，慢事就急做，事急则缓，事缓则圆。”好难明呀，好彩他随即补充：“简单讲句，淡淡定有钱剩。”咁一早讲呢句咪得啰，又硬要讲金句先安乐。轮到司棋姐李司棋：“做人最紧要有头家，有瓦遮头，安居乐业。”“成日喺度呃like，畀个嬲你就差唔多！”仲有其他讲了不止一次，兼不止一个人讲的包括“呃like”、“有图有真相”、“畀个like”、“肯肯定”、“开眉饭系咪应该有请小凤姐呢？”连有请小凤姐都玩埋，其实系潮定系out?

夏雨呢句金句一集讲咗几次。（影片截图）
司棋姐都有唔少金句，仲讲潮语话要畀个嬲阮兆祥。（影片截图）
关菊英同阮兆祥系咁讲畀like同肯肯定。（影片截图）
+8