【溏心风暴3】蒋志光入无线30年仍然好享受：我冇翻炒自己

《降魔的》播完，紧接的《溏心风暴３》又有蒋志光，这个万能老倌，几乎套套剧集都有份，原来不经不觉在无线做了30年，上周三（22日）他获赠30年服务金牌，一向内俭的他亦觉得时间过得太快，他说：“TVB有样嘢好得意，佢一路运作紧，你每日都拍紧嘢，时间就系咁过咗去，所以有啲同事做咗10年、20年更加唔觉，因为我哋不停咁拍嘢，回头一望已经30年，之前公司打俾我，叫我今晚嚟出席，我先醒起......”

人生有几多个10年，更何况是30年，蒋志光原本只想做电视台“过客”，没想到一做就是30年，他说：“当年我冇再做乐坛，都要揾个地方落脚，最接近嘅地方应该系TVB，但𠮶阵真系从零开始，就系咁，都唔知自己点解做咗咁耐？有句说话我哋成日讲，千祈唔好话自己喺呢度（TVB）过渡咋，过过下就喺到唔走得。我谂我余生都喺TVB过喇，哈哈哈！”

蒋志光是不少人心目中的最佳绿叶演员，不论《降魔的》学识渊博的有为，或是《老表，你好hea！》的隐世歌王高音，每一个角色都拿捏准确，但阿蒋表示自己最初十分迷蒙，他说：“初入嚟TVB都辛苦，因为呢份系自己完全唔认识嘅工作，我仲记得𠮶阵同兰子、修哥做《点解香港咁过瘾》，兰子成日投诉我，点解佢做乜，我就跟住做乜？当时嘅我因为唔识，只能copy人哋。”蒋志光系唱作人出身，要一个崇尚创作的人做copy cat，当然非常难受。

阿蒋在无线做了30年，做到时间都忘记，亦即使演员这份工作不是他的首选，但他从来没有“揸流滩”，在《降魔的》其中一幕，他验正到自己没有hea做，他说：“《降魔的》我可以分演四个角色，我好庆幸，因为4个角色都唔同性格，讲嘢方式有唔同，证明我冇翻炒到自己，我冇食老本就算，因为如果自己冇突破，你一定会相同，正如我希望即使我著同一款西装，戴同一款眼镜，但我要演到唔同嘅律师，我希望每个角色都赋予生命，做演员如果只系重复自己，其实好辛苦，亦对唔住观众，自己亦唔享受，如果系咁，不如唔好做，我嘅态度就系咁。”

阿蒋为人低调，虽则每个角色都用心，但他觉得自己不会再是焦点，观众会忘记了他，直至《老表、你好hea！》出现，他说：“咁多年，其实系呢一两年有突破性发展，我先知原来观众冇忘记我，估唔到仲有人钟意听我唱歌，我先多返份唱歌嘅工作，我系感受到自己同观众近咗，虽然我终极梦想唔系演员（他想当导演）但我而家做嘅系回馈佢哋，既然佢哋睇得起阿蒋，觉得我仲有前进空间，我就唔想令佢地失望。”