虫前有10个女仔｜陈俞希爆沈殷怡“变态”趣向：喺屋企捉曱甴玩

陈俞希（Hailey）、沈殷怡（Shirley）周二（12日）出席ViuTV综艺节目《虫前有10个女仔》记者会，Shirley对于爬虫类动物毫不害怕的态度反而令节目组大感头痕：“思前想后我都冇好惊嘅昆虫！不过拍当日我都揾到一个中国水龙嘅大型蜥蝪，佢条尾已经系我手臂咁长，深夜中见到一道青色嘅光，我就好兴奋；原来系啲人买嚟养完又拎去放生，就破坏咗𠮶个山头嘅生态系统。”

Hailey透露在拍摄《虫前有10个女仔》前填写的问卷问及她有什么动物是想见的，她斩钉截铁地回应：“冇，我屋企乜嘢都有！我放狗会见到野猪、箭猪、牛，佢哋系光明正大好似行街咁，基本上每星期都见到一两次，所以已经觉得唔新奇。”Hailey指自己惟独怕的是昆虫类：“我好惊青蛙因为冬天佢哋会匿藏喺我嘅鞋入面，仲会捐到最入面嘅鞋头，我着鞋奇怪点解塞唔到只脚入去，Feel到唔妥仲发现佢望住我，抗拒青蛙系呢一个原因！”

Hailey又大爆Shirley大胆到不抗拒昆虫之余，更不时在家“捉曱甴玩”，Shirley就反驳指未到那么变态的程度：“我室友Yoshi（余逸思）好惊蛇虫鼠蚁，屋企发现蠹鱼、曱甴都系我徒手捉。”随即被Hailey质疑为何要徒手：“妳钟意摸吓佢哋？”Shirley续指捉到后会放生，皆因比起活生生的昆虫，更怕扁了的昆虫质感。