Edan吕爵安为歌影视忙到直踩逾30小时 为拍《胶战》宁愿推Job

MIRROR成员Edan（吕爵安）周三（6日）出席ViuTV综艺节目《胶战S2》发布会，谈起第二季无论是成员默契、制作Budget皆大幅度升级，谈起歌影视综四方面都涉猎，不时出现分身不暇的情况：“有排行程太忙但又Mark咗某日拍《胶战》，公司想排其他工作畀我就会提出‘会唔会请假停拍一集’，我就会拒绝，始终《胶战》对我嚟讲都似放假，因为去玩同做返自己，我都好想继续拍。”Edan透露最疯狂曾试过直踩三十多个小时：“有一集系拍完《小谐星》MV再直落《胶战》，佢哋话我个人癫咗唔知去咗边。”

Edan指今季成功灭甩“老鼠屎”形象，有人输得比他更惨，问起想进化做什么形象，他说：“各方面能力都系顶尖嘅偶像，（金钟国？）但Jeffrey（魏浚笙）好大只、好大力，（刘在石？）偶像版嘅刘在石，要靓仔啲。”

谈起近日歌手Novel Friday发布新歌《MIRROR FREESTYLE》点名批评MIRROR“卖样扮做歌”，Edan笑指：“其实我都唔够胆话自己得个样，我话自己得个样大家都未必信服；的确我哋各方面嘅能力未去到最好，大家钟意我哋亦都未必系因为单方面嘅一件事，而系《造星》起嘅唔同范畴，再支持我哋嘅音乐，当然我哋有好大嘅进步空间，希望未来继续提升自己各方面嘅质素，令大家信服我哋嘅作品。”提起会否觉得人红是非多，Edan就说：“人哋有批评证明自己有啲地方做得未够好，善意嘅批评我哋都接受。”