洛儿改用本名“乐宜”　原来获高人指点转运催挑花：想要多啲

曾担任过无线《美女厨房》美女学徒及ViuTV综艺节目《辣伙头》“DJ女神”乐宜，今日（26/6）以嘉宾身份再次为ViuTV全新节目《索女人妻ichi烹》站台支持出席宣传造势活动。乐宜讲起不再用艺名洛儿，原来背后有段古，“因为之前上过一个命相节目，大师就话我洛儿个名好差，如果有十分满分，我就系负分，反而我本身个名写法就会好啲会旺返自己。”

（未改名前有咩唔好？）乐宜直言：“𠮶阵拍Tvb美女厨房，一改完𠮶个名之后，就同男朋友闹交，到一至二个月之后就同男友分咗手。（宜家用返本名咪即刻复合啰？）咁又冇，啲过去咗嘅嘢就唔好提啦！不过用返本名之后，系多咗嘢做，工作都好顺利，而且又有异性追求，我希望系想要多啲啦！因为可以拣，哈哈！”