陈洁玲忆TVB打工日子难受　只当员工机器：而家做无线会被耻笑

前无线艺人陈洁玲（Christy ）今日（26/6）以嘉宾身份现身ViuTV全新节目《索女人妻ichi烹》记者会。提起好友林师杰被迫签新约一年6个骚得万二蚊，嬲爆同无线解约。Christy就此接受《香港01》访问为好友抱不平：“无线开出咁嘅条件好苛刻，讲真万二蚊呢个价唔好话唔够用，系讲紧根本冇可能生存得到，你哋见得到佢哋开出咁嘅条件，摆明系唔尊重个位员工啦！始终大台有佢哋一套，佢哋会抱住嘅态度系‘我哋系咁㗎喇，你哋唔做就大把人做’，佢哋依然都系比较行呢一套。”

Christy回想起当年在无线打工时心感委屈难受：“坦白讲喺𠮶度做人工唔会高，就算有好多工作系咁不断做，都系得丁点咁多，相比喺出面打工嘅人，人工差唔多，但其实你牺牲就系自己嘅时间同健康，你喺𠮶间公司度做，你唔好当自己系人，佢哋只当你系一部机器，佢哋真系好抢到你尽，大家之间唔好讲咩感情乜嘢情义，系冇呢样嘢。”

这一行很多人说“行头”很窄，问到Christy会否担心说得太尽？她说：“无所谓啦！其实呢个台佢本身已经俾人离弃紧㗎啦，系咪先！当大家离弃紧呢个台嘅时候，同佢完咗一个合约都冇乜所谓啦，呢个世界咁大，可以出去见识下！而家做无线会被人耻笑，系真㗎！我宜家都会问啲朋友，你哋唔会介意我做过无线，我啲朋友会喺度笑。（唔怕得罪无线？）香港到今日都有丁点言论自由，我都系客观陈述。”