苏皓儿被指同罗天宇拍拖：佢好斯文、好温柔嘅男仔

苏皓儿（Chloe）今日（24/6）出席在无线电视城举行的《那些我爱的人》剧集宣传造势活动。Chloe在剧中饰演林文龙爱女，父女感情深厚。回到现实Chloe原来同自己的父亲相对较少交流倾心事，“同龙爷嘅感情可能仲浓厚，因为套剧里面都发生咗好多嘢啦，又会帮我解决好多嘢。但现实生活中，就冇同爸爸经历咁多高高低低嘅起跌，只系有平淡嘅父女情。（同爸爸冇交流？）其实人大咗，同爸爸少倾偈系真嘅，但播咗套剧之后，大家都会喺个厅度，一齐倾下啲剧情，大家嘅交流又好番啲，可能自己比较内敛嘅关系，所以少同Daddy讲嘢，都系自己做得唔够好。”

讲到同罗天宇因为一张大合照而传绯闻。Chloe坦言：“其实我同佢都系同一个蓝球队，而𠮶日点解会同佢坐咗喺地下上影𠮶张大合照，因为部相机低炒影出去，而我我唔想包包面就坐低咗，就拉埋罗天宇陪我坐低，其实系好普通嘅一件事。（觉得罗天宇点？）觉得佢好斯文，好温柔嘅男仔，但我就比较粗鲁男仔头，大家只系朋友关系。（咩男仔吸引到你？）我钟意阳光，打波运动型嘅男仔，不过我宜家享受单身，所以冇一个对象。（会否同罗天宇发展？）应该都冇咩机会，我哋唔会谂呢啲。”想知Chloe不为人知小秘密，就去片啦！