黄翠如被指整容改运变木偶鼻：我系唔会整个鼻嘅!

黄翠如今日（24/6）现身电视城出席无线剧集《那些我爱过的人》宣传造势活动。翠如就透露近日忙于拍摄新剧，故未有时间追看大感可惜，讲起老公萧正楠对她演出的评价，翠如表示：“佢有话我有啲位Keep唔到方乐汶个角色度，有啲去返自己𠮶度，因为佢始终都对我特别严谨，咁所以我一听到佢咁讲之后，我就即刻去睇返，咁发觉有啲位真系冇Keep到。”

《那些我爱过的人》剧集首播至今口碑强劲，而女主黄翠如亦成为全城焦点，近日有消息指她获高人教路整容，将鼻托高改运。翠如笑说：“大家每晚睇呢套嘅时候，得闲㩒过隔离Cable台睇下我之前同宜家个样，根本无可能话我整容嘅，咁如果攞一两张相喺度就咁话我嘅记者，我只可以话佢哋根本唔太了解我，其实我成个人最自满就系我个鼻，由细到大妈咪话我呢个鼻，叫做虎鼻系有福嘅，我可以一百个很定，唔心虚唔尴尬咁话俾你听，我系唔会去整我个鼻嘅。（被指整容会否感到难过？）我冇难过，其实都唔只一次被人指整容，我只可以讲，我系喺一个负面新闻下成长，对于我嚟讲只系一个新闻，如果大家睇嘅时候有啲娱乐嘅话，我都觉唔系一件坏事。”