【荷里活有个大老千】住四年㓥房追演艺梦　文凯玲：屋企负担唔轻

文凯玲出席在深水埗举行的《荷里活有个大老千》时来运转迎新春活动。凯玲在戏中饰演李施华（经理人）旗下小花“明珠”角色鲜明，当中更有不少性感歌舞表演，迷到不少视迷继续追看。凯玲笑言：“其实我本身手脚唔协调，又唔识跳舞，咁所以上网睇过𠮶个年代跳咩舞，加深咗印象，到现场演嘅时候，即场教即场演，其实我记唔到㗎。”

文凯玲2010年参选香港小姐竞选，最终落败，深明加入娱乐圈收入不稳定，所以一路以来从未放弃空姐工作，储够钱才敢入行，不惜租住㓥房，在衣食住行悭足四年时间，目的就是储够银弹，为日后进军演艺圈作准备。文凯玲接受香港01访问时说：“因为当时屋企都有负担，唔系轻松嘅，咁所以要做多少少嘢揾多少少钱先，因为知道入咗行收入都会比较唔稳定，不过依家就冇做空姐，全身投入演艺事业上，因为细佬妹佢哋出晒身，我可以做我想做嘅嘢。”凯玲续说：“依家就冇住㓥房，因为我楼下火烛烧咗成层，好在我𠮶日唔喺屋企，拍完嘢返到嚟，见到成层楼薰黑晒，之后谂过真系危险，咁所以之后搬返去同屋企住。”