【荷里活有个大老千】36岁文凯玲入行7年收起性感：我有个底线

无线电视剧《荷里活有个大老千》中，文凯玲（Connie）饰演舞蹈团成员“明珠”，戏中与同为姊妹的芬芳（陈雅思饰）、小燕（刘温馨饰）为了试戏而遭“老板”调戏并上演一场“三小花试戏泳装潘金莲三戏西门庆”，早前更有一段红磨坊跳舞，性感得来又带点惹笑。文凯玲（Connie）接受《香港01》访问时说：“我好钟意个角色设定，因为好立体。佢系一个好矛盾嘅人。初头十集可以觉得佢系一个好斯文好乖好听话嘅人，但系明珠好相信亦都好尊重佢嘅经理人‘莲姐’，虽然未必觉得啱，但系‘莲姐’话做佢都会做，但系去到后尾佢都会有疑问同转变，有唔同阶段其实好立体。”

其实她在2012年入行开始拍戏，就已拍摄多部作品，相信大家对她在《喜爱夜蒲2》、《鸭王2》、《唐伯虎之冲上云霄》等的演出都记忆尤新。那么， 她的经历是否就像是“明珠”一样，顺从经理人的意思？她回答说:“呢部份都有啲似，佢咁有经验，咁梗系信佢嘅判断㗎啦，如果唔系晶哥，都唔会开始拍戏又有一啲有角色嘅戏，呢几年又Keep住有嘢做。”

由香港大学心理学系毕业，到任职机舱服务员，再到拍三级电影作性感演出，她有没有争扎过呢？“啱啱开始都有犹豫，有揾朋友倾过，睇返好多其他地方嘅戏，好多演员做嘅戏都会喺屋企换衫，或者屋企换衫会Top-Less。呢啲戏其实都系生活入面嘅一部份，唔会觉得系刻意卖弄性感，就算我以前啲戏系比较性感，就算系三级都好，都仲有个底线喺度。同埋我会同自己讲，一个专业嘅演员，好多嘢都系演戏一部份，唔可能担心太多。”

问及她的底线是甚么，她简单的说：“露点。”那么，如果像是汤唯在《色，戒》中般演出呢？她回答说：“暂时唔会考虑，过唔到自己𠮶关，同埋之前都有比较性感嘅演出，其实我想再试多啲唔同嘅嘢。我觉得拍戏最好玩系可以试到平时生活唔会做嘅嘢，如果重复都系拍一样嘢咪会好闷啰？”

表面上的她看似生活风光、衣食无优，但真实的她却是一名悭妹，还要付担家中使费。“一开始拍戏都冇空姐揾得咁多，同埋我个人都系辛苦命，唔可以冇嘢做。之前试过冇嘢做𠮶排就去朋友公司做会计，又试过做翻译。不过就算自己几辛苦都好，家用都唔可以畀少啲，因为系一个承诺，几辛苦都要坚持。”对比起观众的既有认知，她的生活实在是再平常不过。“食饭我都唔会特别食啲好贵嘅嘢，最紧要系好食，哈，我成日都会喺街边‘笃鱼蛋’，又会去茶餐厅食嘢，最钟意就系食豉油王抄面。”