【冒险王卫斯理】林家栋文凯玲对敌到真爱　反派CP原来最有情有义

无线播出嘅《冒险王卫斯理之支离人》剧情进入白热化，一心想进入古墓的白老大（任达华）已经完全唔理会自己系国际刑警嘅身份，除利用个仔去挡子弹外，又搞到个女白素昏迷，在古墓大战外星人更系荒谬到笑唔出⋯⋯

剧中卫斯理同白素虽然经常出生入死，兼订埋婚，但观众似乎较为buy邓石（林家栋）同罗刹（文凯玲）呢对苦命鸳鸯。身为黑天使嘅罗刹专做黑市生意，为了入古墓寻宝/揾到永生之谜，于是向邓石埋手，本为敌对关系嘅两位，却一次又一次互救，而当罗刹发现邓石控制唔到自己身体时，更表现得甚为同情，并顺理成章上埋床，而邓石亦终于提及自己点解会变为支离人。罗刹受伤时，邓石就话过：“我份人好均真，边个对我有恩、边个救过我，我都会记住。”罗刹虽然口口声声指谂多咗，并说一切都系为得到入古墓嘅办法，但眼神却充满对邓石嘅爱。“其实你有好多机会，点解唔落手？你都几厉害可以令我唔丢下你。”

呢对坏坏CP虽然多数都系逃亡同追逐，但比起卫斯理同白素却来得自然，当然林家栋嘅演技亦为邓石一角狂加分，要爱有爱，要坏有坏，而余文乐就全程都系得一个chok样，讲到有几爱白素，但却经常令对方陷了危险当中⋯⋯剧集讲到邓石个头被白大老扣留，罗刹冒死相救兼阻止白老大进入古墓，苦命鸳鸯再次相遇时，邓石以自己无能力保护对方为由，劝罗刹快啲走，结果得到罗刹一句“唔惊，仲有我！”邓石以笑著表示“值得，但唔好陪我做苦命鸳鸯。”令罗刹更加不愿离去，结果遭白老大鎗杀，亲眼目睹另一半死喺自己面前，却无力阻止，悲痛不已嘅邓石成功甩身后，在古墓同白大老交手时，竟选择牺牲自己，与外星人一同被分解，一个曾系十恶不赦嘅邓石，有如此舍生取义嘅举动，或许是为了在另一时空与罗刹再聚。