【赌城群英会】眼镜娘文凯玲挨足7年　15岁做兼职：喺天桥派传单

《赌城群英会》除了高海宁三点式抢镜，剧中饰演小南的文凯玲表现亦令网友留意，说起文凯玲第一时间想到《鸭王2》，那场口含雪茄戏，印象太难忘，由2012年《喜爱夜蒲II》开始，到这次《赌城群英会》，文凯玲全部性感上阵，加上王晶是她的经理人，晶女郎令人有无限联想。但文凯玲原来是香港大学心理学系毕业，更是一名很顾家的孝顺女，她接受《香港01》访问时说：“我爸爸做地盘，因为我有一个细佬同妹，变咗妈咪照顾3个人都好吃力，所以我15岁就出嚟做兼职，第一份工系派传单，喺火车站天桥派，之后又做过哈迪斯收银，卖sim卡、水吧、地产等等……我都做过，零用钱要自己揾先有。”

2010年当时文凯玲27岁为空姐，她参加香港小姐，最后落选，当年冠军为陈庭欣、亚军张秀文，她落选后翌日即开工，她要搏命揾钱，因为她是家中的经济支柱之一，她说：“屋企除咗我之外，其余都要爸爸养，我系大女自然会想帮下屋企，当时其实空姐如果肯加班都几好揾，都有3至4万，但我都俾一半以上屋企，同埋好多我都会储起佢，以避不时之需。”储钱应付不时之需，不是用来买限量版名牌手袋，而是留给家人，据知她的家人试过中风，亦过做手术，每次文凯玲都有帮手，但文凯玲不欲多提起，但她心明有钱傍身的重要，到现在都是一名非常悭家女。

文凯玲虽然是孝顺女，但是晶女郎在网友心目中等同原罪，提起王晶、女演员，网友的留言一定辛辣，不过她没有介意，家人亦十分支持，她说：“除咗《鸭王2》之外，我屋企人全部同我一齐睇哂，爸爸妈妈由细到大好支持我，我记得《唐伯虎冲上云霄》有一幕我系好清楚见到我背面嘅下半身啦，我都有望下我老豆有咩反应，但佢又无嘢㖞，我先放心，佢哋同我讲，呢个系我嘅人生，我应该自己做决定，妈咪会担心我而家单身，但又咁性感，会唔会无人要㗎。亦会惊我太大压力。”

文凯玲当年港姐落选后并没有签约，因为那时乐小姐就劝她出外发展，更对她说在无线要等10年才有机会上一线，文凯玲很感谢当日乐小姐的坦白，她说：“佢系好老实咁同我讲，我觉得系好事，佢可以氹我签咗先，话大把嘢做㗎，但佢真系有为我谂啰，而谂返起当日签唔到无线，都以为自己再冇机会，𠮶阵都好失落，咁亦都好彩之后有机会拍电影，亦做过女主角。”文凯玲拍过《鸭王2》三级片（其实因为结局太暴力才三级），加上王晶，令她有不少压力，她说：“而家啲留言好咗好多㗎喇，哗，以前真系……哈哈，我觉得有人闹，好过冇人理你㖞，同埋如果有努力，相信大家会见到，签约晶哥前都有讲，一定会被人写，不过呢啲都唔系新闻，我当年32岁都有人够胆签？我仲有咩好惊呢？”