森美自称系陈豪第三者 讲笑话想推陈茵媺落台
撰文： 冼燕珊
出版：更新：
今日（12/5）陈豪(Moses)、陈茵媺（Amiee）夫妻档出席活动，森美担任司仪，大头Ｂ同笨蕉（TVB剧集《夸世代》角色）呢对“荧幕情侣”再次碰头，但中间隔住正印陈茵媺。
森美在活动后，同陈氏夫妇合照时，仲揽住阿Mo 话自己系“第三者”，仲讲笑话之前上TVB 唱《听海》其实系唱畀陈豪听。森美接受《香港01》访问时说：“我都争啲唔记得同阿Mo 传过绯闻，如果我记得，头先陈豪喂汤我就应该冲出去唔畀佢喂，好似《上海滩》许文强咁大叫‘程程’，推陈茵媺落台。”
其实森美都系讲笑搞吓气氛而已，实情系佢太太 Veronica 因为要陪囝囝去英国读书，所以两公婆要分开一段时间，见到陈豪夫妇咁恩爱，一时间感触，突然想念同太太相处嘅日子。好在依家通讯好方便，森美早晚都可以同太太倾到计，佢仲话其实《听海》系唱畀太太听，《听海》嘅歌词系这样写的：“写信告诉我今天，海是什么颜色，夜夜陪著你的海，心情又如何。”一对结婚十几年的夫妻，因为分隔异地，小别一段时间，还会挂住同太太相处的点滴，仲会咁渴望知道对方每日过成点，真系超级浪漫。