森美大赞古巨基份人好MAN 非第一次忍痛继续表演
撰文： 冼燕珊
出版：更新：
歌手古巨基昨晚在他的个人演唱会中，不慎跌落升降台受伤，大家都很关注他的伤势。基仔好友森美今日出席活动，回应基仔受伤一事，他表示很担心，而基仔今次跌落升降台，之后起身忍痛坚持完成表演，令森美回忆起一段跟基仔的往事。
“之前同佢一齐做森美小仪歌剧团嘅舞台剧，有一次佢彩排踢开个沙包，因为惊踢到人，点知一踢佢就扭亲条腰，但佢无同我哋讲佢扭亲条腰，直到完成舞台剧之后先讲，佢话惊影响大家嘅演出。”森美说基仔那次扭伤并非一般伤势，他医治了几年才康复，可想而知当时有几痛，伤势不轻，森美续说：“佢为咗演出，几痛都会挨落去，你唔好睇佢成日嘻嘻哈哈，好似大男孩咁，其实佢系一个好MAN嘅人，就算佢几痛都好，都唔会话畀大家听，继续笑住演出。”
同场活动嘉宾陈豪、陈茵媺(Amiee)夫妇，昨晚刚好就在演唱会现场，亲眼看著基仔跌落台，Amiee 回忆昨晚的情况，仍然心有余悸，“惊呀惊呀，𠮶吓我哋都好紧张好担心。”陈豪补充说：“我初头以为系表演嘅其中一个项目，时间一耐就开始觉得唔对路，全场静晒，知道佢真系发生意外，就开始担心佢受伤程度，直至佢出返嚟先安心，不过见佢应该系挨住痛表演，好坚强，好欣赏佢。”
古巨基开骚玩感性：而家做歌唔系为咗做情歌 而系想为香港做更多