陈豪又爆爱妻金句　陈茵媺：懂得互相感恩

陈豪和太太陈茵媺 (Amiee) 今日(5月12日) 夫妻档出席义卖活动，每次两公婆一齐出现，在场人士都应该戴返副黑超保护对眼，事关佢哋真系劲Sweet！小至陈豪一个细微的呵护动作，换来 Amiee 劲冧的甜笑，大至陈豪开到声大赞老婆，都令现场单身人士受到十级伤害。

森美自称系陈豪第三者 讲笑话想推陈茵媺落台

森美大赞古巨基份人好MAN 非第一次忍痛继续表演

活动司仪森美叫陈豪分别为妈咪、外母、太太同女儿，挑选适合佢哋嘅汤水，结果佢拣咗“神级Fushion 汤”畀老婆，陈豪解释：“因为佢系女神！”继“She is my queen”后又一金句。不过 Amiee 都唔弱，老公喂汤畀自己饮，森美笑问 Amiee 系啲汤甜啲定还是老公喂甜啲，Amiee 甜笑回应：“汤好甜，但老公喂更加甜。”

“赞老婆系应该嘅。”陈豪说：“唔系讲假话，坦白讲，老婆为头家真系唔容易，系一个艰难嘅工作，要凑小朋友真系好辛苦，无论系心理同生理上都系，我作为丈夫，讲两句甜言蜜语算得系咩，我唔钟意讲假话，我讲嘅都系真话。”Amiee接著说：“系Sweet from heart，我哋唔系特别去赞，我哋都系咁教小朋友，见到身边人做得好，会感恩赞美。”懂得感恩对方为自己付出的一切，就是陈氏夫妇的婚姻之道。