【果栏‧黄浩然‧专访一】因为患病令他转变：以前我系唔注重休息
《果栏中的江湖大嫂》是黄浩然今年的第二部剧集，其实今年他已经开始减产，除了因为要兼顾家庭之外，最主要的原因是因为他曾经患上了“贝赛特氏症”，导致喉咙发炎溃疡，视力模糊。亦因如此，他开始醒觉家庭比工作更加重要，由以前的一头牛变成会推工作的黄浩然，更因此把十几年的烟瘾戒掉，过程还相当轻松。
在2014年，黄浩然被确诊患有贝赛特氏症，亦因此将《张保仔》男主角之位让给了洪永城。他曾经在访问中说过，自己可以一年开365日工，浩然十分清楚自己在TVB的路，就是用最短的时间拍最多的剧。在入出院后终于明白了一个道理，他说：“以前我系好唔注重休息，搏晒命，收0300会接0630，但系而家我会举手话唔好意思，我投降喇。当然食嘢都会小心咗，开剧都会带吓饭，亦都戒咗烟喇，理论上而家身体系好咗好多。”
人人都说戒烟有多难，不过在浩然的字典里，看来并没有“难”这个字词，反而是轻松的，他说：“话戒就戒，病完喺医院出返嚟，第一枝烟无食就无再食，戒咗3年几。件事就好怪嘅，𠮶阵喺医院，已经无生命危险㗎喇，我老婆就同我讲出咗院唔好咁快食烟住，因为𠮶阵个胃有啲事，出咗院要食返一个月药。我老婆就话，等我食晒药先好食烟，其实𠮶阵我都无乜特别想食，因为个口腔系烂晒，所以我就答佢好喇。”
由1997年拍摄《十万火急》而入行，浩然表示自己已经吸烟18年，当一日要做20个钟，平均一个钟头1枝，1日除时可以食足1包烟。“咁话说好返喇，食晒药，要返公司做一啲配音工作，我心谂正呀可以食烟，真系咁㗎，好似细路仔。通常我哋返到公司，泊低架车就去饭堂出面食烟，我老婆喺我出门口前就同我讲返公司唔好食烟住，我就话吓唔系一个月后你俾我食咩，真系好似细路仔咁。之后我一路揸车就喺度谂，其实系咪可以唔食呢？咁到我返到公司喇，你知食烟嘅人㗎喇，啲烟同火机，车又有，背包又有，我𠮶吓就试吓唔食喇。咁就入到厂，见到啲同事，你知佢哋喇，问我一句有无嘢呀就成包烟递过嚟，我就话我无食喇。”拒绝了第一支烟，一直到现在三多年，浩然再也没有抽过一口烟。
不过其实浩然戒烟都有一套理论，他表示：“其实𠮶刻我无谂咁多，纯粹系唔食，无乜特别。但其实头𠮶半年我都keep住个袋有包烟，我唔系迫自己戒，出面啲人话烟好难戒，我又真系ok，so far戒到，我觉得可能食紧𠮶阵戒系好难嘅，但我住医院都住咗个几月，咁你顺理成卒章无咗𠮶样嘢，即日如果你今日食紧叫你听日戒系唔容易。喺医院经历口腔烂晒，个人又康复喇，又无烟味，个人好似干净咗咁，可能因为咁喇。”各位有心戒烟的人士，不妨把自己跟烟隔离一段时间，可能好快就戒到喇！
【果栏‧黄浩然‧专访二】令老婆难受：我唔识去pick up家庭生活
【果栏‧黄浩然‧专访三】绯闻绝缘体：就算揽住都唔会觉得有企图