【果栏中的江湖大嫂】甄咏珊初出道日日挨：为咗两个饭盒乜都做
《果栏中的江湖大嫂》入面饰演恶人菊的甄咏珊，在剧中的丑女恶人形象十分突出，连带观众对她的认知率也开始推升。当然有留意开娱乐圈的应该记得甄咏珊是Freeze其中一名成员，代年传媒称为“整容三娇”（其余两位成员分别是陈乐榣，及石泳莉），而如果以前有睇开亚视，亦会留意到甄咏珊的出现，在接受《香港01》访问时，她说：“我喺亚视其实都多嘢做，𠮶段时间比较重制作嘅节目都有揾我做，其实佢哋都好钖我，但因为我啲私人理由所以拍咗两个节目就无做，退出咗娱乐圈。”复出后推出过几只新歌，到2016年再加盟无线，“我希望系一个转捩点，但我就唔会奢望弹返起，我人生有个宗旨，就系只要你好努力好努力就一定有成果。”
当年她被传出因推job而被旧公司解约，其实当中另有故事，她说：“其实我系一个唔计较嘅人，我咩job都会做，当然有个底线就系三点不露，我推过一个job就系《3D肉蒲团之极乐宝鉴》，我有个格言就系边度有饭食就去边度。”咁究竟系咪因为呢件事而无得续约呢？“系，都过咗去喇，都好遗憾无得同旧公司续约。我自己觉得签咗一间公司就好似结咗婚咁，当你离开就好似离婚，但我觉得自己应该要有做人底线。同过咗咁多年，佢《玉》都好成功。最近旧公司都有揾我合作拍《向西闻记》，所以我好都好开心，当时片酬我无同佢倾，我亦都无要求，但个数字我都好满意，分开咗七年合作返真系好开心，希望可以继续合作。”
今次37岁的她，其实早于20年前已经加入娱乐圈，不过是由茄哩啡做起，亚视的《我和僵尸有个约会II》也有份参与，她表示：“其实我16岁就入行，好似行楼梯咁一级一级咁行上去，我系一个好有韧力嘅人，系由茄哩啡开始做起，真系好似周星驰喺《喜剧之王》入面咁，为咗两个饭盒乜都做。”
【果栏中的江湖大嫂】无线突然公布首集收视 紧系因为好收先讲喇
【果栏中的江湖大嫂】终于等到冯盈盈出场：希望大家唔会兼弃我！
“当年97，爸爸啱啱破产，我有父母同细佬，我𠮶时养起成头家，一个人要打几份工，朝早去做茄哩啡，有做埋化妆，夜晚就去酒吧卖啤酒。化妆同酒吧都揾到啲嘅，茄哩啡就为理想喇，咁嘅生活差唔多过咗半年，等化妆做起咗先轻松啲，之后就慢慢去casting，边度有就去边度，到我26岁先正式入行。就算我之前复出，乜都由零开始，咪同自己讲当系16岁𠮶阵咁做啰。”在TVB的演出终于有人留意，说不定这就是她再次成名的开始。