【果栏中的江湖大嫂】陈炜重提“沐浴巨星”：好多纹都可以光滑晒
《果栏中的江湖大嫂》首集收视高达28.1点，成为2018年首播最高收视的剧集，能够有此成绩当然因为套剧多人睇，点解多人睇？首先上一套《火线下的江湖大佬》口碑不错，其次便是剧中有很多抢眼的女主角，岑丽香、冯盈盈、江嘉敏等等，不过讲到《果栏中的江湖大嫂》最正最重要的那位，当然是当中的大嫂陈炜喇！
点解咁抢镜？因为炜哥在剧中闪亮的皮肤，高贵的样貌，即使穿上果栏的服装也难掩其气质。不过已经44岁的炜哥，要做到咁当然有秘诀，在接受《香港01》访问时，她说：“多谢晒，感激个灯光师，真系㗎，救到好多，唔系企喺顶灯下面已经争好远㗎喇个样，要多谢灯光师喇！其实我哋开工成日日夜癫倒，无咩办法同特别时间去保养，所以主要都系注重清洁喇，落妆好紧要，个妆要落得彻底啲，等啲皮肤有时间透气。饮食方面都系要饮多啲水喇，煎炸嘢紧系少食喇，我自己就唔系太食加工食品，即系烟肉香肠𠮶啲，腌制过嘅嘢我好少食，主要食啲新鲜嘅材料。”食加工食品已经成为香港人的习惯，因为香港样样都要快嘛！能够向它say no，炜哥抵你仲保持得咁靓！
而有网民重新回味炜哥当年拍摄沐浴露的广告，当年她有个名称叫沐浴巨星，剩系睇个膊头都已经滑到反晒光！炜哥将一切功劳同样归于灯光师：“都真系好多谢灯光师，真系化腐朽为神奇，好多纹都可以打到光滑晒呢样系真。”
【果栏中的江湖大嫂】无线突然公布首集收视 紧系因为好收先讲喇
当然，虽然炜哥出到“化腐朽为神奇”咁夸张，但如果自己本身皮肤实在太差，相信美图秀秀都未必有帮助，尤其是艺人经常开夜车，究竟用咩护肤方法最好呢？“我哋当然都会注意用乜嘢产品，面膜紧系一定要喇，尽可能都唔好懒啰，一落咗妆就要敷返半个钟。我哋真系天生食呢行饭，习惯咗呢个时间模式。如果正常人突然之间要挨一两日，可能会好残，但我哋已经习惯咗。”果然食得咸鱼抵得渴！