【果栏‧黄浩然‧专访三】绯闻绝缘体：就算揽住都唔会觉得有企图

黄浩然给人的感觉是一位好好先生，多年来除了对老婆好之外，亦甚少跟其他女星传出绯闻，连他自己也直言即使揽著其他女生，也不会令人想到去另一边，究竟是甚么魔力令他变成这样呢？而当年剧接剧的时候，有好多网民都觉得经常看到他出现，会有些厌闷，黄浩然更说当时他拍得很“夹硬”，直情拍到不想再拍，因为一场病后亦令他有所改变。

黄浩然拍剧多年，遇过不少女对手，但他有别于其他人，甚少有黄浩然的绯闻传出来，简直是一个“绯闻绝缘体”。对于这个说法，他有一套见解：“其实我觉得，即系我有过咁多女对手，就算我而家喺街揽住佢，你唔会觉得系𠮶样嘢，就算香香又好，Grace又好，我揽住佢好系自然系朋友𠮶种感觉，大家唔会觉得我有任何企图。其实系一件好难嘅事，例如你拍嘢，你要俾到女对手嘅感觉系好舒服，但其实𠮶样嘢系假㗎㖞，因为佢唔系真系你老婆或者女朋友，咁先得到对方嘅信任先有火花，系难嘅。同埋我谂我系企得几硬嘅，大家知道唔系𠮶样就应该几难，其实系大家想唔想古怪系大家会知嘅。”其实大家都知浩然对老婆几咁好，想埋身都唔系咁容易。

讲起他遇过的女对手，在网上的世界，他跟黄翠如是获得很多好评的，一套师父·明白了，一套《爱我请留言》，两套都是令人拍晒手掌的剧集。究竟两人会否再次合作呢？他说：“翠如同我系好有默契，但有时太过有默契就会喺一个舒适圈入面，到时就会谂会唔会有新嘢呢？有时拍得太多就要停一停，好似Andy（陈耀全）咁，其实《平安谷之诡谷传说》之前我系好耐无同佢合作，大家各有各出面拍其他嘢，到呢次再合作出嚟嘅火花又唔同咗。”

除了翠如，原来今次《果栏中的江湖大嫂》里面跟他做对手戏的香香（岑丽香）也是一个相当合拍的对象，连他老婆也赞他们十分合衬，他说：“香香今次又系一个新对手，连我老婆睇完啲宣传片都会觉得我同佢几衬，几好㖞。初头佢觉得我同翠如好衬，系萤幕情侣，今次到香香，其实我都好开心。我系几幸运嘅，拍咁多剧同个女对手都沟通到，我都听过有啲演员话系沟通唔到，因为个谂法唔同，变咗你有你做佢有佢做咁。”

对于网民有话过他拍来拍去都是这个样，觉得他的演技没有进步，其实浩然也曾经坠入这个迷思，自己减产也有一部份是这个原因：“减产最主要嘅原因系不停拍嘅演出水准会不停降，太机械式，喺观众心目心只会愈来愈减分。真系需要时间沉淀自己，饿返个戏瘾出嚟，病之前我真系拍到唔想再拍，拍完《果》后两个几月无拍嘢，已经想拍新角色。以前有时有啲位拍得好夹硬，几时都唔知点做，但要夹硬拍啲嘢出嚟，你无时间去消化其实好难俾到新鲜感观众。”

对于网民的意见，浩然是正面的，是赞，他会感到开心，是弹，他会吸收意见，他表示：“至于他们有有网上面嘅平台系好嘅，我自己都会睇嚟作参考，拍《情越双白线》𠮶种我开始去睇。好多时我哋设定一啲位系会有个效果想要得到，我哋又会去睇返观众嘅回应，原来𠮶个位得唔得其实睇得返出嚟，之前《平》好多正面留言其实好开心，你要人弹好容易，要赞其实好难。”一个成功的演员，最紧要个人够谦卑，能够吸收别人的批评，浩然已经是一个绝佳的例子。

【果栏‧黄浩然‧专访一】因为患病令他转变：以前我系唔注重休息

【果栏‧黄浩然‧专访二】令老婆难受：我唔识去pick up家庭生活