【星和无线电视大奖】黎耀祥薛家燕夺25周年奖 感叹过去辛酸经历
撰文： 黄梓恒
出版：更新：
《星和无线电视大奖2017》嘅致敬大奖，“25周年最受欢迎TVB电视男艺人”由黎耀祥夺得，他说：“大奖呢个名同我演艺身涯一样咁长呀，哈哈，正如我头先讲，一个有年期嘅奖特别有意义。咁多年我最深刻嘅角色真系好多，例如西游记喇，近年嘅柴九同刘醒，同埋处境剧，好多好多难忘嘅回忆。最难忘挨得最辛苦紧系猪八戒，又要化妆又要顶住个肚喺大热天时出外境，套剧其实个个都好辛苦。柴九系另一样嘢，我人生嘅转捩点，所以一样都系咁难忘。”
至于女角色则由薛家燕夺得：“真系好大嘅感触，当年入《真情》之前我系真系好徬徨，好多谢珍姐佢哋邀请，得到好姨呢个角色，都要多谢监制同编剧，你估唔到呢个角色可以深入民心，大家都咁喜爱。前几日我坐飞机见到一班星加坡朋友，佢哋都仲系叫我做好姨，真系好似一幕幕重现喺我眼前，由呢个角色令我喺低谷企返起身，到而家儿女事业有成，真系好大嘅感触，真系要多谢TVB，同埋大家嘅支持，无你哋嘅支持唔会有今日嘅我。”